Politike

Belind Këlliçi nën hetim për falsifikim të diplomës, nëndrejtoresha e "Harry Fultz" thirret në SPAK

Drejtuesi politik i Partisë Demokratike për qarkun e Tiranës, Belind Këlliçi akuzohet se ka falsifikuar dokumente për të regjistruar studimet universitare në Shtetet e Bashkuara të Amerikës dhe ka bërë deklarime të rreme në formularët zyrtarë gjatë kandidimit për deputet, duke deklaruar se ka përfunduar arsimin e mesëm dhe të lartë.

6 Shkurt 2025, 11:02 Nga B.Z
Belind Këlliçi nën hetim për falsifikim të
Brikena Baxhaku

TIRANË - Nëndrejtoresha e gjimnazit profesional "Harry Fulz" është thirrur mesditën e kësaj të enjte në Prokurorinë e Posaçme (SPAK). Baxhaku është thirrur në lidhje me hetimet ndaj Belind Këlliçit i cili po hetohet për falsifikim të diplomës dhe deklarim të rremë në formularin e vetëdeklarimit. 

Brikena Baxhaku hyri në SPAK rreth orës 11:00 dhe doli në orën 12:40. Pas daljes nga Prokuroria e Posaçme, Baxhaku konfirmoi për gazetarët se ishte thirrur në lidhje me dosjen e Këlliçit por nuk pranoi të jepte më shumë detaje. 

Drejtuesi politik i Partisë Demokratike për qarkun e Tiranës, Belind Këlliçi akuzohet se ka falsifikuar dokumente për të regjistruar studimet universitare në Shtetet e Bashkuara të Amerikës dhe ka bërë deklarime të rreme në formularët zyrtarë gjatë kandidimit për deputet, duke deklaruar se ka përfunduar arsimin e mesëm dhe të lartë.

Sondazh

Poll