Aktualitet

Vranësira dhe reshje dëbore në zonat malore, parashikimi i motit për ditën e sotme

Parashikohet që orët e pasdites dhe mbrëmjes të mbeten nën ndikimin e vranësirave të cilat herë pas here do të gjenerojnë reshje të pakta shiu e dëbore. Gjatë natës pritet përmirësim i dukshëm i situatës së motit, por ulen ndjeshëm temperaturat e ajrit.

3 Shkurt 2025, 07:05 Nga B.Z
Vranësira dhe reshje dëbore në zonat malore, parashikimi i motit
Foto ilustruese

TIRANË - Ditën e sotme vendi ynë do të ndikohet nga kushte relativisht të qëndrusheshme. Do të vijojë qarkullimi i masave ajrore nga verilindja e Europës duke kushtëzuar mot të kthjellët dhe vranësira të lehta e kalimtare, ku më të dukshme vranësirat do të paraqiten në zonat e thella malore duke sjellë momente me flokë dëbore.

Parashikohet që orët e pasdites dhe mbrëmjes të mbeten nën ndikimin e vranësirave të cilat herë pas here do të gjenerojnë reshje të pakta shiu e dëbore. Gjatë natës pritet përmirësim i dukshëm i situatës së motit, por ulen ndjeshëm temperaturat e ajrit.

Temperaturat e ajrit do të pësojnë rënie me 2 – 3 gradë C si në orët e mëngjesit EDHE të mesditës duke luhatur vlerat ditore nga -1°C vlera më e ulët deri në 13°C vlera më e lartë në rang territori.

Era do të fryjë mesatare si në tokë dhe në det duke arritur shpejtësinë maksimale deri në 45 km/h nga drejtimi verior dhe verilindor ; duke sjellë në brigjet detare dallgëzim mbi 3 ballë.

moti

Sondazh

Poll

MË SHUMË