Aktualitet

Trafik drogë në parkingun e varrezave/ Arrestohet 30-vjeçari shqiptar në Itali, kishte fshehur dozat e kokainës brenda një kremi për fytyrë

Shqiptari rezultoi se kishte krijuar një dhomëz të fshehtë brenda makinës, një sistem mekanik i ndërtuar vetë. Aty ndodhej në dukje një krem për fytyrën, ku ishin futur 10 doza kokaine me peshë 6 gramë.

2 Shkurt 2025, 22:38 Nga N.F
Trafik drogë në parkingun e varrezave/ Arrestohet 30-vjeçari
Itali

ITALI- Autoritetet italiane kanë vënë në pranga një 30-vjeçar shqiptar. Arrestimi i shqiptarit ka ardhur pasi akuzohet për shitje kokaine. Aksioni u krye në zonën ku ndodhet edhe parkingu i mjeteve, në varrezat e Cabriolos.

Efektivët konstatuan dy makina me motorin e ndezur ku pranë tyre qëndronin dy persona. Më pas një person i tretë afrohet dhe u jep diçka në shkëmbim. Gjatë kontrollit, 30-vjeçarit shqiptar iu gjet sasia e drogës dhe 350 euro para të gatshme.

Situata u bë edhe më e dyshimtë kur burri shfaqi ankth të mëtejshëm për mundësinë e shtrirjes së kontrollit në makinën e tij, duke u pozicionuar në mënyrë që të mbulonte një pjesë të caktuar të automjetit (pjesa e gomës së pasme, ku kishte një mekanizëm të çuditshëm). 

Shqiptari rezultoi se kishte krijuar një dhomëz të fshehtë brenda makinës, një sistem mekanik i ndërtuar vetë. Aty ndodhej në dukje një krem për fytyrën, ku ishin futur 10 doza kokaine me peshë 6 gramë.

Shqiptari u arrestua, ndërsa në Itali kishte shkuar vetëm javët e fundit. Ndaj tij u vendos masa e ndalimit nga Gjykata e Parmës dhe më tej do bëhet dëbimi i tij. Kurse dy të tjerët u morën nën hetim.

arrestohet shqiptari ne itali droge ne itali

Sondazh

Poll

MË SHUMË