Aktualitet

U kap duke vjedhur, arrestohet "skifteri" shqiptar në Itali, 26-vjeçari me precedentë të mëparshëm penalë ishte dëbuar 3 vite më parë

Gjatë ndërhyrjes operacionale u konstatua vetëm 26-vjeçari, teksa po verifikohet nëse është pjesë e ndonjë grupi të organizuar hajdutësh.

31 Janar 2025, 09:47 Nga N.F
U kap duke vjedhur, arrestohet "skifteri" shqiptar në Itali,
Foto ilustruese

ITALI- Autoritet italiane kanë vënë në pranga një 26-vjeçar shqiptar. I riu shqiptar u vendos në pranga për plaçkitje banesash. Ai rezulton me precedentë të mëparshëm penalë për këtë krim. Ndaj tij gjithashtu kishte pasur edhe një dënim tre vite më parë, ku pas procesit gjyqësor kishte pranuar që të dëbohej nga Italia për të mos u kthyer më.

Efektivët gjatë operacionit të fundit në Pavia vendosën në pranga shqiptarin. Pas arrestimit zbuluan se ai ishte rikthyer fshehurazi në Itali për të bërë përsëri punën e tij të vjetër, për të vjedhur. Gjatë ndërhyrjes operacionale u konstatua vetëm 26-vjeçari, teksa po verifikohet nëse është pjesë e ndonjë grupi të organizuar hajdutësh. I riu ishte dënuar në vitin 2022 dhe kishte pranuar riatdhesimin e detyruar, por ishte kthyer fshehurazi në qytet dhe tani rrezikon që t’i rëndohet dënimi si përsëritës.

arrestohet shqiptari ne itali u kap duke vjedhur ne itali

Sondazh

Poll

MË SHUMË