Politike

Begaj kërkon mbarimin e mandatit të anëtares së GjK/ Vasili: Mandati i Bejtjes mbaron në vitin 2028! Presidenti bëhet pjesë aktive e rrëmbimit të Gjykatës Kushtetuese

Vasili shkruan se mandati i Bejtjes mbaron në vitin 2028 pasi ajo zëvendësoi Gjyqtarin Besnik Muçi, që mori një mandat të plotë me dekret të Presidentit Meta. Vasili shton se Presidenti duhet të tërhiqet menjëherë nga kjo kërkesë sipas tij antiligjore dhe të mos kompromentojë më tej dhe më rëndë institucionin.

30 Janar 2025, 17:12 Nga B.Z
Begaj kërkon mbarimin e mandatit të anëtares së GjK/ Vasili:
Petrit Vasili

TIRANË - Deputeti i Partisë së Lirisë, Petrit Vasili ka reaguar pas kërkesës së Presidentit Bajram Begaj, drejtuar Gjykatës Kushtetuese ku kërkonte mbarimin e mandatit të anëtares së këtij institucioni, Sonila Bejtja.

Në një reagim në rrjete sociale, Vasili shkruan se Begaj po bëhet pjesë aktive e rrëmbimit të Gjykatës Kushtetuese. Vasili shkruan se mandati i gjykatëses Bejtja mbaron në vitin 2028 pasi ajo zëvendësoi Gjyqtarin Besnik Muçi, që mori një mandat të plotë me dekret të Presidentit Meta. Vasili shton se Këshilli i Emërimeve në Drejtësi në vitin 2019 konfirmon në mënyrë asgjësuese këtë fakt, me dokumentin e shpalljes së rezultateve dhe pikëve pas shqyrtimit të kandidatëve, që konkuruan për këtë mandat të plotë.

Vasili shton se Presidenti duhet të tërhiqet menjëherë nga kjo kërkesë sipas tij antiligjore dhe të mos kompromentojë më tej dhe më rëndë institucionin.

Reagimi i Vasilit:

Presidenti i Republikës ben kerkese per hapjen e vakances per Gjyqtaren kushtetuese Sonila Bejtja duke deklaruar kesisoj hapur rreshtimin ne nje krah me rrembyesit e Gjykates Kushtetuese.

Mandati i Bejtjes mbaron ne vitin 2028 sepse ajo zevendesoi Gjyqtarin Besnik Muçi, qe mori nje mandat te plote me dekret te Presidentit Meta.

Keshilli i Emerimeve ne Drejtesi ne vitin 2019 konfirmon ne menyre asgjesuese kete fakt, me dokumentin e shpalljes se rezultateve dhe pikeve pas shqyrtimit te kandidateve, qe konkuruan per kete MANDAT TË PLOTË!

Presidenti duhet te terhiqet menjehere nga kjo kerkese antiligjore dhe te mos kompromentoje me tej dhe me rende institucionin, qe perfaqson dhe qe ka detyre te zbatoje Kushtetuten dhe ligjin dhe te mos i sherbeje rrembimit dhe asgjesimit te Gjykates Kushtetuese.

bajram begaj sonila bejtja

Sondazh

Poll

MË SHUMË