Aktualitet

Vrau në burg Arben Lleshin, GJKKO lë në regjimin 41 biss Sokol Mjacajn

Fillimisht Mjacaj është vendosur në këtë regjim për shkak se vrau në burg Arben Lleshin dhe plagosi Indrit Shaqjan. 

30 Janar 2025, 15:09 Nga I.A
Vrau në burg Arben Lleshin, GJKKO lë në regjimin 41 biss Sokol
Sokol Mjacaj

PEQIN- Gjykata e Posaçme ka lënë sot në regjimin 41 biss Sokol Mjacajn, i dënuar për vrasje. Fillimisht Mjacaj është vendosur në këtë regjim për shkak se vrau në burg Arben Lleshin dhe plagosi Indrit Shaqjan. Mjacai e ka apeluar këtë vendim por, gjykatat e kanë refuzuar.

NJOFTIM PËR MEDIAT:

Kërkuesi Sokol Mjaçaj me datë 23.12.2024 ka paraqitur pranë Gjykatës kërkesën me objekt: “Kundërshtim i vendimit nr. 619, datë 11.12.2024, të Ministrit të Drejtësisë”.

Në përfundim të gjykimit, Gjykata e Posaçme e Shkallës së Parë për Korrupsionin dhe Krimin e Organizuar me trup gjykues të përbërë nga gjyqtari Ardit Mustafaj, bazuar në nenet 471 dhe 480 të K.Pr.Penale dhe nenin 17, pika 9, të ligjit nr. 81/2020 “Për të drejtat dhe trajtimin e të dënuarve me burgim dhe të paraburgosurve”, me vendimin Nr. 26, datë 30.01.2025, vendosi:

Rrëzimin e kërkesës së kërkuesit Sokol Mjaçaj me objekt kundërshtimin e vendimit nr. 619, datë 11.12.2024, të Ministrit të Drejtësisë “Për zgjatjen e periudhës së regjimit të posaçëm në instuticionin e ekzekutimit të vendimeve penale të sigurisë së lartë, për një afat 1 (një) vjeçar, për të burgosurin Sokol Mjaçaj”.

Kundër vendimit lejohet ankim në Gjykatën e Posaçme të Apelit për Korrupsionin dhe Krimin e Organizuar, brenda 15 ditëve nga njoftimi i vendimit. Tiranë, më datë 30.01.2025. Gjykata e Posaçme e Shkallës së Parë për Korrupsionin dhe Krimin e Organizuar

Sokol Mjacaj, u vendos në regjim të posaçëm menjëherë pas vrasjes së Arben Lleshin dhe plagosi Indrit Shaqjan brenda në burgun e sigurisë së lartë në Peqin. Mjacaj fillimisht është arrestuar në muajin korrik 2015 në zonën e Dukagjinit, pasi ekzekutoi me automatik dy turistët Çekë, 27-vjeçarit Michael Svatos dhe të dashurën e tij, 36-vjeçaren Ana Kosinova. Për këtë ngjarje Mjacaj është dënuar nga Gjykata e Shkodrës me burgim të përjetshëm.

sokol mjacaj arben lleshi

Sondazh

Poll

MË SHUMË