Sport

Dëmtimi i Kalulu, më i rëndë se sa mendohej! Tjetër "gropë" te mbrojtja e Juves...

Mbrojtësi i Juventusit është ndalur për shkak të një problemi muskulor gjatë ndeshjes ndaj Benficës. Do të mungojë kundër Empolit dhe Comos, por edhe për ndeshjen e madhe kundër Interit dhe për play-offin e Champions League. 

30 Janar 2025, 14:17 Nga DOSJA
Dëmtimi i Kalulu, më i rëndë se sa mendohej! Tjetër

ITALI - Testet në të cilat mbrojtësi Pierre Kalulu iu nënshtrua, pas problemit që pësoi në minutat e para të ndeshjes së Champions League ndaj Benficës, nxorrën në pah një  dëmtim të shkallës së ulët të tendinit të muskulit të kofshës së djathtë. 

“Përafërsisht për 10 ditë do të përsëriten testet e reja për të përcaktuar saktësisht kohën e rikuperimit”, thuhet në deklaratën e klubit të Juventusit pas rezultateve të testeve në J-Medical. Megjithatë, qendërmbrojtësi pothuajse me siguri nuk do të jetë në dispozicion kundër Empolit dhe Comos, por edhe për ndeshjen e madhe kundër Interit dhe për play-offin e Champions League. 

“Ai ndjeu diçka pas tij kur rrëshqiti, nuk kishte dëshirë të vazhdonte: le të shpresojmë se nuk është asgjë e rëndësishme dhe se ai mund të kthehet për ndeshjen tjetër, edhe nëse e shoh të vështirë”,- tha trajneri Thiago Motta gjatë konferencës për shtyp pas ndeshjes. Por testet mjekësore dëshmuan diçka tjetër, duke hapur një " urgjencë të re " në mbrojtje të Continassa.

Pavarësisht ardhjeve të Renato Veiga dhe Alberto Costa për të forcuar situatën pas dëmtimeve të Bremer dhe Cabal, në fakt, Thiago Motta nuk do të ketë shumë alternativa në dispozicion për ndeshjet e ardhshme dhe gjithashtu mund të vendosë të  kthejë Locatellin në qendër të mbrojtja pranë Gattit, siç ndodhi tashmë ndaj Benficas pasi Kalulu u largua nga fusha. 

B.T (Dosja.al)

Sondazh

Poll

MË SHUMË