Aktualitet

I dënuar me burg për vjedhje dhe i dyshuar për plagosje, arrestohet 28-vjeçari në Durrës

I riu është vënë në pranga pasi ishte i dënuar me 4 muaj burgim, për vjedhje të mbetur në tentativë. Ai gjithashtu është i dyshuar për plagosje.

29 Janar 2025, 12:29 Nga N.F
I dënuar me burg për vjedhje dhe i dyshuar për plagosje,
Foto ilustruese

DURRËS- Një 28-vjeçar është vënë në pranga në Durrës. I riu është vënë në pranga pasi ishte i dënuar me 4 muaj burgim, për vjedhje të mbetur në tentativë. Ai gjithashtu është i dyshuar për plagosje.

I riu u vendos në pranga në lagjen nr. 14. Sipas njoftimit të policisë 28-vjeçari ishte shpallur në kërkim pasi Gjykata e Durrësit, e ka dënuar me 4 muaj burgim për veprën penale ”Vjedhja”, mbetur në tentativë. Gjithashtu, ai ishte shpallur në kërkim për veprën penale “Plagosja e lehtë me dashje”. Materialet procedurale i kaluan Prokurorisë, për veprime të mëtejshme.

Njoftimi i policisë:

Durrës/ I dënuar me 4 muaj burgim, për vjedhje të mbetur në tentativë, dhe i dyshuar për plagosje, kapet dhe vihet në pranga 28-vjeçari në kërkim. Bazuar në informacionet e siguruara nga inteligjenca policore, për vendndodhjen e një shtetasi në kërkim, shërbimet e Policisë kanë organizuar punën për lokalizimin dhe kapjen e tij. Si rezultat, u lokalizua në lagjen nr. 14, Durrës, u kap dhe u vu në pranga, nga shërbimet e Patrullës së Përgjithshme, shtetasi: M. H., 28 vjeç, banues në Durrës.

Ky shtetas ishte shpallur në kërkim pasi Gjykata e Shkallës së Parë e Juridiksionit të Përgjithshëm Durrës, me vendimin e datës 31.01.2024, e ka dënuar me 4 muaj burgim, për veprën penale ”Vjedhja”, mbetur në tentativë. Gjithashtu, ky shtetas ishte shpallur në kërkim për veprën penale “Plagosja e lehtë me dashje”. Materialet procedurale i kaluan Prokurorisë, për veprime të mëtejshme.

plagosje vjedhje arrestohet i riu ne durres

Sondazh

Poll

MË SHUMË