Sport

Japonia promovon mjeshtrin e ri të sumos...

Hoshoryu ngjitet në kategorinë e "yokozuna", duke penguar kështu që Japonia të mbetet pa përfaqësues në rangun më të lartë të këtij sporti për herë të parë në më shumë se 30 vjet.

29 Janar 2025, 12:00 Nga DOSJA

Japonia promovon mjeshtrin e ri të sumos...

JAPONI - Hoshoryu u promovua zyrtarisht në "yokozuna", si mjeshtër i madh i sumos, të mërkurën, duke parandaluar që Japonia të mbetet pa një përfaqësues në gradën më të lartë të sportit antik për herë të parë në më shumë se 30 vjet.

Nuk kishte pasur “yokozuna” që kur Terunofuji doli në pension në fillim të janarit në moshën 33-vjeçare . Por pasi fitoi Turneun e Madh të Sumos të Vitit të Ri të dielën, fitoren e tij të dytë në turne, Hoshoryu u ngrit në atë gradë të mërkurën në një ceremoni në Tokio. Kështu ai bëhet “yokozuna” e 74-të në histori.

I lindur në Mongoli si Byambasuren Sugarragchaa, 25-vjeçari Hoshoryu u zotua të mos "njollosë titullin" e “yokozuna”, pesëmbëdhjetë vjet pasi xhaxhai i tij u largua nga sporti në turp.

“Do të vazhdoj të punoj shumë dhe me vendosmëri për të mos njollosur titullin e yokozuna”, deklaroi ai pasi u bë mjeshtri i parë i ri i sumos që nga viti 2021.

Hoshoryu është nipi i ish-“yokozuna” Asashoryu , i cili u detyrua të tërhiqej në vitin 2010, pasi theu hundën e një burri në një përleshje në gjendje të dehur jashtë një klubi nate. Në vitin 2003, xhaxhai i tij u bë “yokozuna” i parë i Mongolisë.

Nuk ka kritere për t'u ngjitur në “yokozuna” nga rangu i "ozeki" menjëherë më poshtë. Rastet shqyrtohen nga këshilli i “yokozuna”. Nga tetë “yokozuna” të fundit, vetëm një ka lindur në Japoni, gjashtë në Mongoli dhe një në Shtetet e Bashkuara.

B.T (Dosja.al)

Sondazh

Poll

MË SHUMË