Aktualitet

Mbërritën sot në Shëngjin me anijen ushtarake “Cassiopea”, kthehen sërish në Itali 4 prej emigrantëve

Mësohet se bëhet fjalë për tre emigrantë të mitur dhe një të rritur vulnerabël që do të kthehen në shtetin italian. 

28 Janar 2025, 18:55 Nga B.Z
Mbërritën sot në Shëngjin me anijen ushtarake
Foto ilustruese

SHËNGJIN - Katër nga 49 emigrantët që mbërritën sot në Shëngjin do të dërgohen sërish në Itali mbrëmjen e sotme. Mësohet se bëhet fjalë për tre emigrantë të mitur dhe një të rritur i cili ka shfaqur probleme shëndetësore, që do të kthehen në shtetin italian, raporton ANSA. 

Anija e marinës italiane mbërriti mëngjesin e sotëm (28 janar) në Shqipëri me 49 emigrantë në bord, të cilët u shpëtuan në ujërat ndërkombëtare. Në Shqipëri, atyre do t’iu procedohen aplikimet për azil dhe më pas ata do të dërgohen në qendrën në Gjadër. Kjo është përpjekja e tretë për strehimin e emigrantëve në Shqipëri, pasi paraprakisht gjykatat italiane kishin ndaluar një gjë të tillë. Ministria e Brendshme italiane nuk ka specifikuar nacionalitetin e emigrantëve që u dërguan në portin e Shëngjinit, por mediat në Itali kanë raportuar se bëhet fjalë për persona nga Bangladeshi, Egjipti, Bregu i Fildishtë dhe Gambia.

emigrante shqiperi-itali

Sondazh

Poll

MË SHUMË