Sport

Renato Veiga mbërrin në Torino për të nënshkruar me Juventusin...

Portugezi arrin në formë huazimi nga Chelsea, deri në fund të sezonit, pa opsion blerjeje

27 Janar 2025, 10:00 Nga DOSJA

Renato Veiga mbërrin në Torino për të nënshkruar me

ITALI - Ndërkombëtari portugez Renato Veiga ka mbërritur në Torino, nga klubi anglez Chelsea, për të nënshkruar në formë huazimi te Juventusi deri në fund të sezonit.

Veiga ka mbërritur në kryeqytetin e Piemontes (në veri) gjatë pasdites, siç raporton klubi në rrjetet e tij sociale dhe do të jetë kjo e hënë kur ai do t'i nënshtrohet analizave mjekësore për të vërtetuar më pas transferimin e tij.

Operacioni mes klubeve, sipas medias italiane, është mbyllur me huazim deri në fund të sezonit, pa opsion blerjeje, për një shifër afër 5 milionë euro.

Veiga, 21 vjeç dhe i rritur te Sportingu, luajti për Augsburg dhe Basel përpara se t'i bashkohej një ekipi të Chelseat, ku ka qenë protagonist në Konferencën dhe Kupën FA, por me pothuajse asnjë minutë në Premier League.

Ai do të jetë përforcimi i tretë dimëror për Juven, pas mbrojtësit tjetër portugez Alberto Costa dhe Randal Kolo Muani. Ardhja e dy mbrojtësve në këtë merkato përforcon një linjë të shënuar nga dëmtimet e qendërmbrojtësit brazilian Gleison Bremer dhe mbrojtësit të majtë kolumbian Juan Cabal; si dhe largimi i afërt i brazilianit Danilo.

B.T (Dosja.al)

Sondazh

Poll

MË SHUMË