Politike

Zgjedhjet e 11 majit/ "Të gjithë në provë", Klosi flet për formulën e PS: Të vjetrit në terren, jo në listë të sigurt!

AI se përcaktimi i kandidatëve që do të jenë në lista të hapura apo të mbyllura, do të përcaktohet edhe në varësi të qarkut ku do të garohet.

23 Janar 2025, 22:13 Nga r.ll
Zgjedhjet e 11 majit/ "Të gjithë në provë", Klosi
blendi klosi

TIRANË- Sekretari i Përgjithshëm i Partisë Socialiste, Blendi Klosi ka folur mbrëmjen e sotme për formulën e PS me të cilën do të shkojë në zgjedhje. Klosi, i cili është drejtues i qarkut të Dibrës tha se këtë herë do të jenë të gjithë në provë, dhe sa i takon listave, ai tha se të vjetrit do të jenë në terren dhe jo në lista të sigurta.

Ai tha, në emisionin Top Story në Top Channel, se përcaktimi i kandidatëve që do të jenë në lista të hapura apo të mbyllura, do të përcaktohet edhe në varësi të qarkut ku do të garohet.

“Formula jonë është që ne do përgatitemi fort që të marrim mandatin e katërt, dhe për t’ia dalë kësaj do të kemi një listë me 140, plus 46. Rëndësi ka sa vota të japin qytetarët dhe jo sistemi. Sepse partitë mbledhin votat e tyre dhe pastaj ndahen mandatet ndërmjet dy kampeve, dhe si ndahen brenda strukturës i takon forcave politike, por natyrisht edhe qytetarëve. Sistemi jonë është sistem që kërkon peshë më tepër të lidershipi. Në varësi të numrit të mandateve ne po përgatitemi që të kemi listë fituese dhe të marrim më tepër vota se në 2021. Ne do vazhdojmë të gjejmë se cili do të jetë formula fituese në qarqe të caktuara”, tha ai.

blendi klosi zgjedhjet e 11 majit

Sondazh

Poll

MË SHUMË