Aktualitet

Dhunë në familje, vjedhje dhe drejtim mjeti në mënyrë të parregullt, arrestohen 5 persona të shpallur në kërkim

Të arrestuarit akuzohen për vjedhje, dhunë në familje dhe drejtim mjeti në mënyrë të parregullt.

22 Janar 2025, 10:47 Nga B.Z
Dhunë në familje, vjedhje dhe drejtim mjeti në mënyrë
Foto ilustruese

TIRANË - Pesë persona të shpallur në kërkim për vepra të ndryshme penale janë arrestuar nga Policia. Në pranga kanë rënë: një 27-vjeçar i cili ishte me masë sigurie "arrest me burg" për vjedhje, një 61-vjeçar i dënuar me 1 vit burg për dhunë në familje, një 17-vjeçar me masë sigurie "arrest me burg" për vjedhje.

Gjithashtu janë arrestuar një 36-vjeçar i cili ishte dënuar me 1 muaj burgim, për veprën penale “Mosdhënia e mjeteve për jetesë”, si dhe një 24-vjeçar i dënuar me 2 vite burg për drejtim mjeti në mënyrë të parregullt. Materialet procedurale i kaluan Prokurorisë së Tiranës, për veprime të mëtejshme.

Njoftimi i Policisë:

Vijon puna për kapjen dhe vënien përpara përgjegjësisë penale të personave të shpallur në kërkim.

Finalizohet faza e tretë e operacionit “Catch”.

Bazuar në inteligjencën policore, kapen dhe ndalohen 5 shtetas të shpallur në kërkim, për vepra të ndryshme penale.

Specialistët e Seksionit për Hetimin e Narkotikëve ndaluan shtetasin e shpallur në kërkim B. M., 27 vjeç, me masë sigurie “Arrest në burg”, nga Gjykata e Tiranës, për veprën penale “Prodhimi dhe shitja e narkotikëve”.

Specialistët për Hetimin e Krimeve të Komisariatit të Policisë Nr. 1 kapën shtetasin e shpallur në kërkim V. P., 61 vjeç, i dënuar me 1 vit burgim, nga Gjykata e Kurbinit, për veprën penale “Dhuna në familje”. Veprimet e mëtejshme procedurale do të kryhen nga Drejtoria Vendore e Policisë Lezhë.

Shërbimet e Komisariatit të Policisë Nr. 3 kapën dhe ndaluan shtetasin E. Ll., 17 vjeç, banues në Tiranë, pasi Gjykata e Tiranës i ka caktuar masën e sigurisë “Arrest në burg” për veprën penale “Vjedhja”.

Specialistët për Hetimin e Krimeve të Komisariatit të Policisë Nr. 5 ndaluan shtetasin e shpallur në kërkim P. V., 36 vjeç, pasi Gjykata e Tiranës e ka dënuar me 1 muaj burgim, për veprën penale “Mosdhënia e mjeteve për jetesë”.

Shërbimet e Komisariatit të Policisë Rrugore ndaluan shtetasin e shpallur në kërkim N. Th., 24 vjeç, banues në Tiranë, pasi Gjykata e Tiranës e ka dënuar me 2 muaj burgim, për veprën penale “Drejtimi i automjeteve në mënyrë të parregullt”.

Materialet procedurale i kaluan Prokurorisë së Tiranës, për veprime të mëtejshme.

arrestim policia

Sondazh

Poll

MË SHUMË