Politike

FOTO/ Rama takim me presidentin e Ukrainës në Davos: Nënshkruam një marrëveshje të rëndësishme në fushën e sigurisë

Gjatë qëndrimit të tij kryeministri ka zhvilluar disa takime, ku një prej tyre ishte me presidentin e Ukrainës, Volodymyr Zelenskyn.

21 Janar 2025, 19:20 Nga r.ll
FOTO/ Rama takim me presidentin e Ukrainës në Davos: Nënshkruam
zelensky, rama

ZVICËR- Kryeministri Edi Rama ndodhet në Davos të Zvicrës në kuadër të Forumit Ekonomik Botëror. Gjatë qëndrimit të tij kryeministri ka zhvilluar disa takime, ku një prej tyre ishte me presidentin e Ukrainës, Volodymyr Zelenskyn.

Përmes një albumi fotosh nga takimi mes tyre, Rama njofton gjithashtu se kanë nënshkruan një marrëveshje të rëndësishme në fushën e sigurisë. 

POSTIMI I PLOTË:

Davos - Me Presidentin e Ukrainës, Volodymir Zelensky, nënshkruam një marrëveshje të rëndësishme në fushën e sigurisë. 

Në samitin e Forumit Ekonomik Botëror të këtij vit pritet pjesëmarrja e 3 mijë personave si biznesmenë, politikanë, akademikë dhe përfaqësues të organizatave të shoqërisë civile nga më shumë se 130 vende, përfshirë dhe nga Ballkani, ndërsa 60 krerë të shteteve dhe qeverive do të mbajnë fjalime.

Në këtë periudhë kur ekonomia globale po përjeton një ndryshim paradigme, në samit do të diskutohet se si të rivendoset rritja, si të përfitohet nga teknologjitë e reja dhe mënyrat për të forcuar qëndrueshmërinë sociale dhe ekonomike në 220 sesione të ndryshme.

Në sesione, folësit do të ndajnë vlerësimet e tyre mbi politikat e reja të SHBA-së, fragmentimin që është shfaqur si rezultat i dobësimit gradual të bashkëpunimit global, politikat tregtare, inteligjenca artificiale dhe digjitalizimi, transformimi i energjisë së pastër, lufta kundër ndryshimeve klimatike, politikat monetare të bankave qendrore, normat e interesit dhe inflacioni.

edi rama volodymyr zelenskyy davos zvicer

Sondazh

Poll

MË SHUMË