Bota

"Ne do të ndjekim fatin tonë të qartë në yje"/ Trump dëshiron që astronautët të ngrenë flamurin amerikan në Mars, Musk "aprovon" idenë

Presidenti Donald Trump nuk dha detaje të mëtejshme gjatë fjalimit të tij mbi idenë e dërgimit të flamurit amerikan në Mars.

20 Janar 2025, 21:01 Nga r.ll
"Ne do të ndjekim fatin tonë të qartë në
trump, musk

SHBA- Presidenti Donald Trump pas betimit, shpalosi vizionin e tij për katër vitet e ardhshme në një fjalim inaugurimi që bëri thirrje për një kthim te ekspansionizmi dhe eksplorimi amerikan. Trump tha se Shtetet e Bashkuara të Amerikës në të ardhmen do të nisin astronautë në planetin Mars. 

"Shtetet e Bashkuara do ta konsiderojnë edhe një herë veten një komb në rritje, një komb që rrit pasurinë tonë, zgjeron territorin tonë, ndërton qytetet tona, ngre pritshmëritë tona dhe mbart flamurin tonë në horizonte të reja dhe të bukura. Dhe ne do të ndjekim fatin tonë të dukshëm në yje, duke nisur astronautët amerikanë për të mbjellë yjet dhe vijat në planetin Mars.", tha Trump. Presidenti nuk dha detaje të mëtejshme mbi idenë.

Shefi ekzekutiv i SpaceX, Elon Musk, i cili mori pjesë në inaugurim,dha një buzëqeshje dhe ngriti gishtin lart në formë aprovimi për idenë e Trump. Musk ka thënë prej kohësh se qëllimi i tij me SpaceX është të dërgojë njerëz në Mars në një përpjekje për ta bërë njerëzimin një specie me shumë planetë.

Për këtë qëllim, SpaceX ka nisur shtatë fluturime testuese deri më tani të raketës së saj masive Starship, mjeti lëshues më i madh dhe më i fuqishëm në botë, më i fundit prej të cilave ndodhi më 16 janar. Ai fluturim testues Flight 7 përfshinte uljen dhe kapjen e suksesshme të Përforcuesi i madh Super Heavy i Starship-it, por automjeti Starsip shpërtheu gjatë ngjitjes. Një hetim FAA për anomali është duke u zhvilluar.

elon musk donald trump

Sondazh

Poll

MË SHUMË