Bota

Pas inagurimit të Trump vjen një padi kundër departamentit të Elon Musk: DOGE ka shkelur rregullat federale të transparencës

Firma ligjore e interesit publik National Security Counselors thekson në padinë e saj se DOGE i Musk plotëson kriteret për t'u konsideruar si një "komitet këshillimor federal" por i mungon përfaqësimi i balancuar në mënyrë adekuate, nuk mban të dhënat e takimeve dhe nuk është i aksesueshëm për shqyrtimin publik, siç përcaktohet me ligj.

20 Janar 2025, 19:51 Nga N.F
Pas inagurimit të Trump vjen një padi kundër departamentit
Musk dhe Trump

SHBA- Pas inaugurimit të Presidentit Donald Trump, do të ngrihet një padi kundër Departamentit të sapokrijuar të Efikasitetit të Qeverisë (DOGE) që Elon Musk do të drejtojë në administratën e re të Trump. Padia sfidon ligjshmërinë e ministrisë së re, duke argumentuar se krijimi i saj shkel ligjet federale, sipas Washington Post.

Padia prej 30 faqesh, një kopje e së cilës u sigurua nga The Washington Post, thotë se ky departament -një lloj komiteti këshillues që Trump ka njoftuar se do të krijojë - shkel ligjet federale të transparencës për informacionin publik dhe praktika të tjera.

Firma ligjore e interesit publik National Security Counselors thekson në padinë e saj se DOGE i Musk plotëson kriteret për t'u konsideruar si një "komitet këshillimor federal" por i mungon përfaqësimi i balancuar në mënyrë adekuate, nuk mban të dhënat e takimeve dhe nuk është i aksesueshëm për shqyrtimin publik, siç përcaktohet me ligj.

Planet e sakta të DOGE nuk janë bërë publike deri më tani, me disa me njohuri për planet që argumentojnë se fshehtësia është parësore për të shmangur veprimet ligjore kundër ministrisë së re.

musk trump

Sondazh

Poll

MË SHUMË