Sport

'Tërmet' te Liverpool: Mo Salah dhe Van Dijk, gati të shkojnë në të njëjtin ekip!...

Liverpool do të humbasë Mohamed Salah (32) dhe Virgil van Dijk (33) nëse nuk veprojnë shpejt.

19 Janar 2025, 15:30 Nga DOSJA

'Tërmet' te Liverpool: Mo Salah dhe Van Dijk, gati të

ANGLI - Kontrata e të dyve skadon në fund të sezonit dhe krerët e Reds zhvilluan disa negociata me ta, por nuk arritën marrëveshje dhe nga 1 janari, të dy fituan të drejtën për të negociuar me skuadrat e tjera. 

Mo Salah dhe Virgil van Dijk, tundohen të shkonin në Arabinë Saudite 

Klubi i gatshëm për të përfituar nga kjo situatë është Al-Hilal, i cili tashmë i ka dërguar një ofertë Mo Salah dhe të njëjtën gjë pritet ta bëjë edhe për Van Dijk në të ardhmen e afërt. Sipas mediave spanjole, të dy lojtarët do të ishin gati të pranonin propozimin nga Gjiri.

Al-Hilal ka një buxhet praktikisht të pakufizuar, dhe vitet e fundit shumë emra të mëdhenj kanë rënë dakord të luajnë në Arabinë Saudite, edhe nëse kanë ende vite të mira për të luajtur në nivelin më të lartë. Në rastin e të dyve, ata po i afrohen fundit të karrierës dhe shanset për të thënë “po” janë më të mëdha. 

Liverpool do të humbasë edhe Trent Alexander-Arnold

Nga ana tjetër, do të ishte një humbje e madhe për Liverpoolin që të ndahej me ta pa asnjë tarifë transferimi, siç ka shumë mundësi të ndodhë me Trent Alexander-Arnold, i cili do të kishte arritur një marrëveshje verbale me Real Madridin. 

Në Transfermarkt, Salah vlerësohet me 55 milionë, Van Dijk me 28 dhe Alexander-Arnold me 75, kështu që humbja e të treve falas do të ishte një fatkeqësi e vërtetë për drejtuesit e Anfield, të cilët kanë ende kohë deri më 30 qershor për t'i bindur ata të nënshkruajnë kontratat e reja. 

B.T (Dosja.al)

Sondazh

Poll

MË SHUMË