Bota

E shpallur e paligjshme për shkak të sigurisë, bllokohet në Angli "Tesla" me targa shqiptare (FOTOT)

Policia tha gjithashtu se automjeti, i cili ishte i regjistruar dhe i siguruar jashtë vendit, ishte konfiskuar dhe ata kishin raportuar shoferin, i cili është banues në Mbretërinë e Bashkuar.

18 Janar 2025, 19:39 Nga B.Z
E shpallur e paligjshme për shkak të sigurisë, bllokohet në
Makina tesla

ANGLI - Një Tesla Cybertruck, e cila është e paligjshme për të vozitur në Mbretërinë e Bashkuar për shkak të shqetësimeve të sigurisë, është sekuestruar nga policia në Mançesterin e Madh. Mediat vendase shkruajnë se oficerët vunë re automjetin tërheqës, i cili mban një çmim prej rreth 48,000 £, në Whitefield, Bury, dhe ndaluan shoferin.

Në një postim në mediat sociale, Policia e Mançesterit (GMP) shkruan: "Mbase kjo mund të duket e parëndësishme për disa, por ekzistojnë shqetësime legjitime rreth sigurisë së përdoruesve të tjerë të rrugës ose këmbësorëve se mund të ishin përfshirë në një përplasje me makinën e llojit Cybertruck".

Policia tha gjithashtu se automjeti, i cili ishte i regjistruar dhe i siguruar jashtë vendit, ishte konfiskuar dhe ata kishin arrestuar shoferin, identiteti i të cilit ende nuk bëhet me dije por rezulton të jetë banues në Mbretërinë e Bashkuar.

Postimi i tyre shtoi: "Tesla Cybertruck nuk është i ligjshëm në rrugë në MB dhe nuk ka një certifikatë konformiteti".

Cybertruck, i cili është bërë nga materiale çeliku të ngjashme me raketat, rezistente ndaj plumbave, u lançua në vitin 2019 . Automjeti ka qenë në një turne promovues në Lindjen e Mesme dhe Evropë, duke përfshirë Festivalin e Shpejtësisë Goodwood në MB në 2024. Megjithatë, ajo ende nuk i ka kaluar testet e sigurisë rrugore në Mbretërinë e Bashkuar.

Policia e Mançesterit sqaroi gjithashtu se makina që u sekuestrua i ishte referuar Operacionit Wolverine, i cili u krijua në 2007 për të synuar shoferët pa sigurim. Kështu pronari i mjetit do të duhet të provojë pronësinë dhe sigurimin e mjetit pastaj mund të lirohet nga ambjentet e komisariatit. 

Më poshtë fotot e Teslës së sekuestruar nga Policia. 

angli tesla

Sondazh

Poll

MË SHUMË