Bota

VIDEO/ Bandat përplasen me forcat e sigurisë në Porto Velho të Brazilit, 13 persona humbin jetën

Tetë persona janë vrarë në sulmet e bandave dhe pesë të tjerë kanë vdekur në përleshjet me policinë që nga mëngjesi i së martës. 

18 Janar 2025, 08:22 Nga E. D
VIDEO/ Bandat përplasen me forcat e sigurisë në Porto Velho
foto ilustruese

BRAZIL- Trembëdhjetë persona janë vrarë në katër ditët e fundit në Porto Velho, kryeqyteti i shtetit të Rondonia në Brazilin perëndimor, ku përleshjet e bandave me forcat e sigurisë kanë ngritur shqetësime për rritjen e krimit. Tetë persona janë vrarë në sulmet e bandave dhe pesë të tjerë kanë vdekur në përleshjet me policinë që nga mëngjesi i së martës. 

Bandat i vunë flakën 20 autobusëve, përfshirë autobusët e shkollave, ndoshta si hakmarrje për operacionet e fundit të policisë. Për arsye sigurie, autoritetet kanë kufizuar linjat e transportit publik, të cilat kryhen nën shoqërimin e mjeteve të policisë. Qeveria federale ka urdhëruar vendosjen e forcave shtesë të sigurisë në shtetin e Rondonia për të forcuar policinë lokale që përpiqet të kontrollojë një valë dhune që është përshkallëzuar në tre muajt e fundit.

Drejtoria e policisë së Porto Velhos fajësoi për trazirat organizatën kriminale Comando Vermelho (CV), e cila ka nisur një breshëri sulmesh kundër policisë në hakmarrje për bastisjet në një kompleks banesash nën kontrollin e saj. Megjithëse banda Comando Vermelho u themelua në Rio de Zhaneiro, shumë mijëra kilometra larg, ajo është shndërruar në vitet e fundit në organizatën më të fuqishme kriminale në Amazon.

policia braziliane

Sondazh

Poll

MË SHUMË