Sport

Milani gjen një tjetër alternativë për sulmin, kërkohet ylli i Chelsea!

Chelsea ka nisur bisedimet me Milanin, edhe pse aktualisht nuk është hapur mundësia për një huazim me të drejtë blerjeje.

17 Janar 2025, 18:36 Nga DOSJA
Milani gjen një tjetër alternativë për sulmin, kërkohet

ITALI - "Duhet të rregullojmë disa situata për të balancuar grupin, po bisedoj me drejtuesit dhe jemi dakord për nevojat tona." Sergio Conceição, pa përmendur emra, e bëri të qartë se Milani është i vëmendshëm dhe gati të lëvizë në merkato në disa reparte, edhe pse përpiqej të shmangte bisedën në prag të sfidës së madhe kundër Juventusit.

Me Marcus Rashford që duket gjithnjë e më larg, për shkak të mungesës së një përgjigjeje konkrete dhe rritjes së konkurrencës, drejtuesit e Milanit po vazhdojnë të eksplorojnë tregun e Premier League-s në kërkim të talenteve që kërkojnë një rifillim të ri. Për sulmin, sugjerimi përmes Jorge Mendes shkon drejt Joao Felix, ndërsa për mbrojtjen, profili i Kyle Walker duket më afër.

Kyle Walker si përforcim i mundshëm

Walker është drejt largimit nga Manchester City dhe vlerësohet nga Milani për personalitetin e tij fitues dhe aftësitë teknike, që i mundësojnë të luajë në disa pozicione. Në vizionin e ri të Conceição-s, përparësia e tij në të djathtë dhe mundësia për të luajtur si i treti në një mbrojtje me tre lojtarë i kanë tërhequr stafin teknik dhe drejtuesit. Kontakti me mbrojtësin 35-vjeçar ka vazhduar prej ditësh dhe lojtari ka shfaqur entuziazëm për idenë e transferimit te Milani. Sipas raportimeve nga ‘Calciomercato.com’, është arritur një marrëveshje për një kontratë 18-mujore me një pagë prej gati 4 milionë eurosh në sezon, plus bonuse.

Joao Felix dhe alternativat e tjera

Sa i përket fazës ofensive, Conceição është i interesuar për Joao Felix. Te Chelsea, ai po lufton për hapësirë dhe ka luajtur më pak se 1000 minuta këtë sezon (me 7 gola). Chelsea ka nisur bisedimet me Milanin, edhe pse aktualisht nuk është hapur mundësia për një huazim me të drejtë blerjeje.

Nëse Felix mbetet në dispozicion në ditët e fundit të merkatos, Chelsea mund të ndryshojë qëndrim. Paga e tij prej 5.7 milionë eurosh në vit nuk konsiderohet pengesë e madhe për Milanin, ndryshe nga ajo e Rashford. Një alternativë tjetër e mundshme është Gio Reyna, talent i Borussia Dortmund. Reyna po përjeton një sezon të vështirë dhe ndarja e të njëjtit agjent me Joao Felix dhe Conceição-n mund të ndihmojë në arritjen e marrëveshjes. Prania në ekip e lojtarëve si Pulisic dhe Musah mund të ndikojë pozitivisht në këtë operacion.

B.T (Dosja.al)

Sondazh

Poll

MË SHUMË