Sport

Tchouameni larg Madridit? "Me rikthimin e Alabas, do jetë i dobishëm në mesfushë"

Ancelotti: “Sapo urgjenca të jetë lënë pas dhe Alaba të kthehet, ai do të zerë vendin e tij si një mesfushor."

16 Janar 2025, 09:30 Nga DOSJA

Tchouameni larg Madridit? "Me rikthimin e Alabas, do jetë i

SPANJE - Real Madridi rikthehet në fushë në ndeshjen e 1/16-tës së Kupës së Mbretit kundër Celtës pas humbjes së tmerrshme në finalen e Superkupës kundër Barcelonës:

"Është një rast i rëndësishëm që vjen pas një ndeshjeje të keqe, e cila na bëri shumë keq. Por ne nuk jemi të zhytur, duhet të reagojmë, dua që skuadra të ketë një reagim të fortë pas ndeshjes së mëparshme”, tha Carlo Ancelotti në konferencën për shtyp të raportuar nga As.

Çfarë do të ndodhë me Tchouameni me rikthimin e Alaba?

"Unë mbetem i bindur se Tchouameni ka bërë mirë si qendërmbrojtës. Për këtë flasin të dhënat, duke marrë parasysh që nuk është pozicioni i tij ideal. Sapo urgjenca të jetë lënë pas dhe Alaba të kthehet, ai do të zerë vendin e tij si një mesfushor."

A ishte mbrojtja një hap prapa?

"Është padyshim një hap prapa, por duhet të ecim përpara. Jemi të pozicionuar mirë në të gjitha garat. Ishte një ndeshje e keqe, bëmë shumë gabime, por gjetëm zgjidhjen. Duhet të ecim përpara. Mungesa e angazhimit është kolektiv, jo individual. Vlerësimi i ndeshjes ishte i tmerrshëm në mbrojtje nga të gjitha këndvështrimet”.

Në shtator thatë se ky ekip ishte më i mirë se sezoni i kaluar.

“Ka rini, energji, cilësi, përkushtim... Jo gjithmonë arrin ta demonstrojë, por është një ekip me vlerë absolute dhe kam besim të plotë. Fitoi Interkontinentalen, Superkupën e Europës. Ishte një ndeshje e keqe... E paguam rezultatin, një rezultat i shtrenjtë, por është pjesë e lojës. Si gjithmonë të gjithë mund të thonë fjalën e tyre, por unë kam besim të plotë te të gjithë lojtarët e mi, veçanërisht ata që nuk po performojnë për momentin. Versioni i tyre më i mirë."

B.T (Dosja.al)