Sport

Chicago Fire në MLS sulmon Neymar

Pas Inter Miamit, Chicago Fire ra në kontakt me të afërmit e Neymar. Skuadra e MLS është duke folur me babanë e brazilianit, i cili është gjithnjë e më i hapur për një lëvizje nga Al-Hilal në Shtetet e Bashkuara.

16 Janar 2025, 09:00 Nga DOSJA

SHBA - Major League Soccer vazhdon të ëndërrojë gjëra të mëdha dhe të ketë yje të mëdhenj, ndaj dhe po shikon përsëri mundësinë e afrimin e Neymar Jr përpara rihapjes së kampionatit të tij në fund të shkurtit.

Inter Miami ka studiuar fillimisht mundësinë e transferimit të sulmuesit nga Al-Hilal. Por me tashmë Lionel Messin, Luis Suarez, Jordi Alba dhe Sergio Busquets në radhët e tij, klubi nga Florida nuk kishte më mjetet dhe veçanërisht autorizimin rregullator për të akomoduar një pagë të madhe, si ajo e ish-parizienit.

Ishte Chicago Fire që e mori këtë çështje me burime të mëdha dhe një projekt tërheqës. Al-Hilal dhe Liga Saudite janë gati të ndajnë rrugët me brazilianin, i cili është ende i dëmtuar.

Arabia Saudite madje është e gatshme ta kompensojë ish-parizienin, të rekrutuar për 90 milionë euro nga PSG në gusht 2023, për t'u ndarë me të pesë muaj para përfundimit të kontratës së tij me Al-Hilal dhe pavarësisht një viti opsional hipotetik.

Babai i Neymar shpreson për pagë më të lartë se Leo Messi

Ekzekutivë nga MLS dhe Chicago janë aktualisht në Evropë. Këtë mesjavë ata panë babanë e Neymar dhe këshilltarin e tij Pini Zahavi. Klubi i MLS-së është i gatshëm t'i ofrojë ish-lojtarit të FC Santos një kontratë të ngjashme me atë të Messit te Inter Miami.

Por babai i Neymar dëshiron shumë më tepër për djalin e tij 33-vjeçar. Neymar duhet të marrë ende gati 70 milionë euro në Arabinë Saudite, ku ai mori më shumë se 100 milionë euro në vitin 2024.

B.T (Dosja.al)