Aktualitet

Vrasja e biznesmenit Bujar Nasufi/ Drejtori i Policisë së Tiranës: Hetimet janë në dinamikë dhe komplekse, nuk mund të bëjmë më dije të dhëna

Alushi tha se po punohet intensivisht, duke përdorur metodat speciale të hetimit dhe shfrytëzuar Inteligjencën policore në funksion të zbardhjes dhe dokumentimit ligjor të kësaj ngjarje.

15 Janar 2025, 17:32 Nga M.B
Vrasja e biznesmenit Bujar Nasufi/ Drejtori i Policisë së
Bujar Nasfi

TIRANA- Drejtori i Policisë së Tiranës Elton Alushi tha sot në një konferencë për shtyp se lidhur me vrasjen e biznesmenit Bujar Nasufi mbrëmjen e së dielës, hetimet janë në dinamikë dhe komplekse dhe për këtë arsye nuk mund të bëjnë më dije të dhëna më shumë për këtë rast.

Alushi tha se po punohet intensivisht, duke përdorur metodat speciale të hetimit dhe shfrytëzuar Inteligjencën policore në funksion të zbardhjes dhe dokumentimit ligjor të kësaj ngjarje. Ai shtoi se Drejtoria Vendore e Policisë Tiranë është e angazhuar maksimalisht për zbardhjen sa më shpejt të kësaj ngjarje kriminale.

Pjesë nga konferenca:

Në lidhje me ngjarjen e rëndë kriminale të ndodhur ditët e fundit në Tiranë ku u vra me armë zjarri shtetasi Bujar Nasufi, Drejtoria Vendore e Policisë Tiranë është e angazhuar maksimalisht për zbardhjen sa më shpejt të kësaj ngjarje kriminale. Nën drejtimin e Prokurorisë po punohet intensivisht, duke përdorur metodat speciale të hetimit dhe shfrytëzuar Inteligjencën policore në fuksion të zbardhjes dhe dokumentimit ligjor të kësaj ngjarje.

Gjithashtu janë mbledhur dhe administruar prova shkencore dhe kompjuterike që do ti sherbejnë hetimit për zbardhjen e ngjarjes. Hetimet janë në dinamikë dhe komplekse dhe për këtë arsye nuk mund të bëjmë më dije të dhëna më shumë për këtë rast. Të nderuar përfaqësues të medias, të nderuar qytetarë.

Ju siguroj se Strukturat e Policisë së Qarkut Tiranë , janë maksimalisht të angazhuara për të parandaluar dhe goditur krimin dhe për të krijuar një ambient sa më të sigurtë dhe në këtë kuadër i ftoj qytetarët që të ndihmojnë dhe mbështesin Policinë duke adresuar cdo informacion sado i vlefshëm qoftë në lidhje me ngjarjen e ndodhur por dhe për të denoncuar cdo paligjshmëri që ata konstatojnë e përballen,pasi vetëm nëpërmjet bashkëpunimit të ngushtë polici dhe komunitet mund të garantojmë një ambient sa më të sigurt.

bujar nasufi

Sondazh

Poll

MË SHUMË