Aktualitet

Skandal te Onkologjiku/ Gazetari nxjerr foton: Pacientët me kancer kryejnë kimioterapi në karrige!

Në foto shihet se si pacientët janë duke kryer kimioterapinë ulur në karrige dhe mbi tavolinë, në vend të një poltroni të posaçëm për trajtimin e duhur. Stafa thekson se në kushte normale një pacient me kancer duhet të qëndrojë në poltron gjatë gjithë kohës kur bën kimio dhe jo në karrige.

15 Janar 2025, 17:01 Nga B.Z
Skandal te Onkologjiku/ Gazetari nxjerr foton: Pacientët me kancer
Foto nga QSUNT

TIRANË - Gazetari Osman Stafa, ka publikuar një tjetër foto nga Qendra Spitalore Universitare "Nënë Tereza" (QSUNT), ku tregohet qartë se çfarë janë duke kaluar pacientët që janë përballur me këtë spital, për të luftuar kancerin.

Në foton e publikuar nga Stafa shihet se si pacientët janë duke kryer kimioterapinë ulur në karrige dhe mbi tavolinë, në vend të një poltroni të posaçëm për trajtimin e duhur. Stafa thekson se në kushte normale një pacient me kancer duhet të qëndrojë në poltron gjatë gjithë kohës kur bën kimio dhe jo në karrige.

Ndërkohë ky nuk është rasti i parë që tregon gjendje e rënduar të QSUNT. Edhe më herët gazetari ka denoncuar se në Onkologjik ka mungesa në medikamente jetësore dhe prishje të aparaturave po jetësore për të bërë kimioterapi dhe rreze për pacientët me kancer.

Postimi i plotë:

Kjo fotografi është bërë në pavionin e Hematologjisë në QSUNT.
Këta pacientë janë duke bërë kimioterapi.
I shikoni? Kimioterapi në karrige.
Si mund të bësh kimioterapi në karrige, për terapi që shkojnë deri në 6 orë?
Ku janë poltronët?
Si mundet që ky pavion, t'i trajtoj pacientët në këtë formë?
Si mundet t'i lënë pacientët kështu?
Një pacient duhet të qëndrojë në poltron, gjatë kohës që bën kimion, jo në karrige.
p.s Fotografia është nxjerrë nga pacientët.

onkologjik qsunt

Sondazh

Poll

MË SHUMË