Sport

Araujo, është koha për të vendosur!…

Barcelona dëshiron të dëgjojë nga uruguajani, nëse dëshiron të largohet, ose të qëndrojë.

13 Janar 2025, 16:07 Nga DOSJA

SPANJE - Në ditët në vijim duhet vendosur nëse Barcelona do të lejojë largimin e Ronald Araujo, apo do ta mbajë atë të paktën deri në fund të sezonit.

Juventusi dëshiron ta ketë për këtë muaj janar dhe tashmë ka bërë një ofertë të parë prej 35 milionësh, që u refuzua nga klubi i Barcelonës, pasi konsideron se vlera e lojtarit është shumë më e lartë se propozimi i bërë nga klubi italian.

Barcelona është e gatshme të ndahet me lojtarin nëse oferta financiare është tërheqëse, por ka një hap të parë thelbësor që është të dëgjosh mbrojtësin. Deco do të flasë me uruguajanin për t'i treguar drejtpërdrejt nëse dëshiron apo jo të vazhdojë te Barcelona.

Drejtori sportiv i Barçës ka marrë tashmë lajme nga palët e treta se mbrojtësi mendon të largohet nga disiplina culé, por dëshiron që lojtari të jetë ai që do t'i thotë në fytyrë.

Araujo, është koha për të vendosur!…

Ofertë rinovimi…

Ideja e klubit të Barçës ka qenë gjithmonë vazhdimësia e saj. Për këtë arsye disa herë i kanë ofruar rinovim, por ai nuk është përgjigjur. Nisur nga ky pozicion, klubi i Barçës do ta nxjerrë në treg, nëse Araujo thotë se dëshiron të largohet. Ata do ta shesin atë tani në dimër ose më së voni në verë, sepse kontrata e tij përfundon në 2026 dhe nuk do ta lejojnë atë të lihet i lirë atëherë.

Juve ngulmon…

Juve është ende e vendosur për të nënshkruar me të këto ditë. Klubi italian po mendon të përmirësojë ofertën e tij në 50 milionë, një shumë ende më e ulët se sa synon Barcelona, por që mund të plotësohet me disa variante për ta bërë atë më tërheqëse.

Sipas burimeve të ndryshme, kjo ofertë e re mund të prezantohet së shpejti. Dhe nuk duhet të harrojmë Arsenalin, i cili gjithashtu e dëshiron lojtarin dhe nuk ka bërë ende një lëvizje.

Araujo, është koha për të vendosur!…

Dëmtimi i Íñigos…

Një variant i ri që hyn në garë është dëmtimi i Íñigo Martínez, i cili do të mungojë për një muaj. Flick do të ketë nevojë për qendërmbrojtës për të mbuluar humbjen e baskëve dhe në teori numri një për të hyrë është Araujo. Megjithatë, duket e pamundur që një operacion i kësaj përmasash të ndalet nga një periudhë kaq e shkurtër mungese. Plus, Christensen është gati të kthehet.

B.T (Dosja.al)