Sport

E pabesueshme! Neymar fitoi 1.1 milionë për çdo kontakt me topin në vitin 2024...

34-vjeçari brazilian ka një pagë vjetore prej 110 milionë euro te Ali Hilal dhe duke qenë se luajti vetëm në dy ndeshje në vitin 2024 (përfshirë gjithsej 42 minuta), ai fitoi rreth 2.4 milionë euro për çdo minutë të luajtur.

11 Janar 2025, 14:30 Nga DOSJA

E pabesueshme! Neymar fitoi 1.1 milionë për çdo kontakt me

ARABIA SAUDITE - Në verën e vitit 2023, Neymar u largua nga Paris Saint-Germain pas gati gjashtë vitesh me klubin e kryeqytetit francez dhe një mandat që u përshkrua nga shumë si zhgënjyese.
Sulmuesi brazilian zgjodhi ligën e Arabisë Saudite për të vazhduar karrierën e tij, ashtu si edhe shumë “yje” të fushave evropiane, përfshirë Cristiano Ronaldon, Karim Benzema, Riyad Mahrez dhe Sadio Mane. Motivimi më i rëndësishëm për këto transferime është përfitimi financiar, pasi sauditët kanë shpenzuar miliarda euro për të tërhequr futbollistë të nivelit të lartë.

Për shembull, në vitin 2024, Cristiano Ronaldo arkëtoi 263 milionë euro, më shumë se dyfishi i parave që fiton në SHBA nga Inter Miami, Lionel Messi, i cili fitoi 124 milionë euro.

Megjithatë, ai që mund të cilësohet si futbollisti më i shtrenjtë (përfshirë në lidhje me shpërblimin dhe shërbimin e ofruar) është pa dyshim Neymar.

Asi 34-vjeçar brazilian është nën kontratë me Al Hilal me një pagë vjetore prej 110 milionë euro dhe duke qenë se luajti në vetëm dy ndeshje në vitin 2024 (përfshirë gjithsej 42 minuta), ai fitoi rreth 2.4 milionë euro për çdo minutë të luajtur, ose 1.122 milionë euro për çdo kontakt të tij me topin, pasi në këto 42 minuta ai ra në kontakt me topin vetëm 45 herë!

Tetë futbollistët më të paguar të vitit 2024 janë si më poshtë (në milionë euro):

1. Cristiano Ronaldo - 263

2. Lionel Messi - 124

3. Neymar - 101

4. Karim Benzema - 96

5. Kylian Mbappe – 83

6. Erling Haaland - 55

7. Vinicius Junior - 51

8. Mohamed Salah - 49

B.T (Dosja.al)

Sondazh

Poll

MË SHUMË