Sport

E bujshme! Interi me sytë nga Donnarumma, Gigio mund të kthehet në Itali!...

Numrit një të kombëtares italiane i skadon kontrata me PSG-në në vitin 2026 dhe marrëdhënia e tij me Luis Enrique nuk ka lulëzuar kurrë...

11 Janar 2025, 09:30 Nga DOSJA

E bujshme! Interi me sytë nga Donnarumma, Gigio mund të kthehet

ITALI - Një thashetheme, jo ende një negociatë, por e bujshme: Interi po mendon për Gigio Donnarumma. Portieri i PSG-së i rritur te Milani, sipas asaj që raporton Sky Sport, në fakt do të përfundonte në pamjen e zikaltërve për merkaton e ardhshme të verës.

Numri një i kombëtares italiane, që do të gjente shumë bashkëlojtarë me blutë në Milano, i skadon kontrata me klubin francez në vitin 2026 dhe nëse nuk e rinovon (duhet kujtuar se ndjenja e tij me Luis Enriquen nuk lulëzoi kurrë...

Prandaj klubi në verë shpenzoi 20 milionë për Matvey Safonov) do të kthehej me dëshirë në Itali dhe veçanërisht te Interi, ku do të gjente edhe trajnerin e portierëve Gianluca Spinelli, me të cilin punoi vite në Paris.

Siç u përmend për momentin do të ishte vetëm një interes, një flirtim që po shfaqet, por verën e ardhshme Donnarumma mund të ndjekë të njëjtën rrugë të ndjekur nga Calhanoglu dhe të zërë vendin e Sommer në portën e Interit edhe për shkak se Martinez, i cili erdhi në verë nga Genoa, deri më tani nuk e ka bindur.

Gjithçka do të varet nga evolucioni i negociatave për rinovimin mes PSG-së dhe portierit nga Campania, i cili për të veshur fanelën zikaltër megjithatë do të duhet të heqë dorë nga një pjesë e mirë e pagës së tij (10 milionë euro neto në vit duke përfshirë bonuset) dhe duket të jetë mbi të gjitha kjo pengesa më e madhe për rikthimin e tij në Itali.

Megjithatë, Interi po e shikon me interes, Marotta është gati të përfitojë nga rasti nëse paraqitet dhe duket se ndjenja është e ndërsjellë sepse lojtari me kënaqësi do të kthehej për të luajtur në Serie A.

I mbërritur në një transferim të lirë nga Milani në merkaton e verës 2021, Donnarumma është në sezonin e tij të katërt në Francë (131 paraqitje me 128 gola të pësuar), ku ka fituar shtatë tituj deri më tani (3 kampionate, po aq superkupa franceze dhe një Kupa e Francës).

Por së shpejti ai mund t'i ndryshojë gjërat, siç konfirmoi edhe agjenti i tij, Enzo Raiola, para Krishtlindjeve: “Po shohim, tani ka një moment pauzë për reflektim për disa aspekte kontraktuale, gjithçka mund të ndodhë gjatë fazës së negociatave, ne nuk mund të bëjmë parashikime”.

B.T (Dosja.al)