Sport

Çështja e Dani Olmos bëhet politike në Spanjë: La Liga do t'i drejtohet drejtësisë...

Zemërimi i Atleticos, Espanyol dhe Valencia: "Kërcënim për integritetin e garës"

11 Janar 2025, 09:00 Nga DOSJA

Çështja e Dani Olmos bëhet politike në Spanjë: La

SPANJE - Vendimi i Këshillit Superior të Sportit që lejoi (përkohësisht) Dani Olmo dhe Pau Victor të riktheheshin për të luajtur për Barcelonën ndezi zemërimin e klubeve të tjera, të drejtuara nga Atletico Madrid, Valencia dhe Espanyol.

"Vendimi përfaqëson një kërcënim për integritetin e garës", recitojnë tre klubet në kor me po aq njoftime për shtyp. La Liga është gjithashtu në baza luftarake, pasi ka vendosur t'i drejtohet drejtësisë së zakonshme në përpjekje për të rrëzuar vendimin e CSD-së.

"Zgjohet" politika...

Por jo vetëm kaq, çështja është bërë edhe politike, pasi Partia Popullore (PP) regjistroi zyrtarisht një sërë pyetjesh në mënyrë që qeveria t'i përgjigjet në parlament asaj që ka vendosur CSD, përmes ministres së Arsimit dhe Sportit.

Sipas Partisë Popullore, ky është një vendim i paprecedentë që imponohet me kriterin e Federatës Spanjolle të Futbollit dhe të La Ligës, bazuar vetëm në nenin 27 të Ligjit të Sporteve që ka të bëjë me karrierën profesionale të sportistëve, dhe jo në kërkesat e kontrollit ekonomik apo dispozitat e rregullores së federatës.

Deklarata e Atleticos…
"Atletico Madrid tregon shqetësimin e saj të thellë për situatën e krijuar në futbollin spanjol pas rezolutës së miratuar të mërkurën nga Këshilli Superior i Sportit, thuhet në shënimin zyrtar. Ne besojmë se ky vendim rrezikon sistemin aktual duke vënë në pikëpyetje rregullat e lojë."

Shënim nga Valencia…
"Valencia CF dëshiron të shprehë mospajtimin e saj me vendimin e marrë nga Këshilli Superior i Sportit, në kundërshtim me qëndrimin e mbështetur nga La Liga dhe RFEF. Ne e kuptojmë se kjo është e dëmshme për integritetin e garës dhe gjithashtu vë në rrezik shtyllat themelore të menaxhimit ekonomik të futbollit profesionist.

Nga ana tjetër, Valencia CF shpreh shqetësimin e saj për ndikimin që mund të ketë kjo masë në Kontrollin Ekonomik të La Ligës, një rregullore e miratuar nga të gjitha klubet e cila ka qenë thelbësore për të siguruar qëndrueshmërinë financiare të futbollit spanjol.

Me këtë vendim kërcënohet dhe për më tepër rrezikohet një sistem i njohur si në legjislacionin sportiv ashtu edhe në vende të tjera për të ardhmen e garave”.

Zemërimi i Espanyol-it
“RCD Espanyol dëshiron të shprehë shqetësimin e tij për situatën e krijuar në futbollin spanjoll pas rezolutës së miratuar dhe bërë publike nga Këshilli Superior i Sportit, në rastet e lojtarëve Dani Olmo dhe Pau Victor të FC Barcelona.

Vendimi për dhënien e masës së sigurimit urgjent, me karakter të përkohshëm deri në zgjidhjen përfundimtare të ankesës së paraqitur, ka krijuar një precedent shumë të rrezikshëm dhe përbën një kërcënim për integritetin e garës, siç e kanë denoncuar klubet e tjera në njoftime dhe komunikime të ndryshme për shtyp. Si dhe RFEF dhe LaLiga.

RCD Espanyol, e cila ruan përkushtimin e saj absolut ndaj konkurrencës, ka respektuar rreptësisht rregullat për kontrollin ekonomik dhe do të vazhdojë ta bëjë këtë, pavarësisht tensioneve, kufijve dhe vështirësive që gjenerojnë këto rregulla ekonomike".

B.T (Dosja.al)

Sondazh

Poll

MË SHUMË