Sport

Dhoma e zhveshjes është e ndarë nga preferencat e Mourinhos: Mediat turke flasin për një krizë “serioze” te Fenerbahçe

Skuadra turke e trajnerit portugez është 8 pikë pas Galatasarayt në kampionat

8 Janar 2025, 15:00 Nga DOSJA

Dhoma e zhveshjes është e ndarë nga preferencat e Mourinhos:

TURQI - Shtypi turk zbulon se atmosfera në dhomat e zhveshjes së Fenerbahçes nuk është më e mira këto ditë, madje ato shprehen se është e përçarë.

Skuadra e drejtuar nga José Mourinho mundi Hataysporin në shtëpi, 2-1, të dielën e kaluar dhe është 8 pikë prapa liderit Galatasaray në kampionat, por nuk është i lirë nga kritikat. Ka nga ata që garantojnë ndarjen e ekipit, madje duke u siguruar që problemi “ka arritur në nivele serioze”.

Sipas ‘Takvim’, nuk ka unitet mes lojtarëve, ku ndarja po krijohet veçanërisht mes të huajve dhe turqve. Në themel të kësaj çështjeje do të jetë çekuilibri në paga dhe shpërblime, si dhe fakti që trajneri u jep pak mundësi futbollistëve vendas.

E gjithë kjo ka krijuar një klimë tensioni, me disa lojtarë turq që ‘akuzojnë’ trajnerin portugez se ka preferenca personale, të cilat po ndikojnë në ekuilibrin dhe dinamikën e brendshme të grupit, duke trazuar performancën e ‘Fene’ në javët e fundit.

B.T (Dosja.al)

Sondazh

Poll

MË SHUMË