Aktualitet

I shtruar në spitalin 'Ungjillëzimi' në Athinë, Kryepeshkopi Anastas vizitohet nga ministri grek i Arsimit dhe Çështjeve Fetare

Pierrakakis u interesua për shëndetin e Fortlumturisë së tij, nga profesoresha e Pulmologjisë dhe Mjekimit Intensiv, Anastasia Kotanidou.

6 Janar 2025, 12:18 Nga M.B
I shtruar në spitalin 'Ungjillëzimi' në Athinë,
Kryepeshkopi Anastas Janullatos

GREQIA- Kryepeshkopi Anastas Janullatos ndodhet i shtruar prej 3 janarit në spitalin Ungjillëzimi në Athinë, për shkak të problemeve të rënduara me shëndetin e tij. Sipas mediave greke, ditën e sotme ai është vizituar në spital nga ministri i Greqisë për Arsimin dhe Çështjet Fetare, Kyriakos Pierrakakis.

Ky i fundit u interesua për shëndetin e Fortlumturisë së tij, nga profesoresha e Pulmologjisë dhe Mjekimit Intensiv, Anastasia Kotanidou. Ndërkohë më herët Kryepiskopi u vizitua të shtunën më datë 4 janar nga kryeministri Mitsotakis dhe kryepeshkopi i Athinës, Jeronimi.

Mediat greke raportuan më herët se shëndeti i Kryepeshkopit është përkeqësuar mbrëmjen e së shtunës. Para shtrimit në spital në "Evangjelismos", 95-vjeçari, i cili ka një histori të komplikuar mjekësore, kishte shfaqur simptoma të virusit. Ai u shtrua fillimisht në një spital në Tiranë. Megjithatë, mjekët raportuan se pas përkeqësimit të shëndetit të tij, u vendos transferimi i tij në Greqi për të marrë kujdesin e specializuar mjekësor. 

Ai u transportua nga Shqipëria me një mjet të Forcave Ajrore Greke. Transporti u krye me një avion C-27. Ai u shoqërua nga një mjek dhe dy infermierë. Avioni u ul në aeroportin ushtarak të Elefsinës në orën 19:34 të së enjtes mbrëma dhe menjëherë më pas Kryepeshkopi u transferua në spitalin “Evangjelismos”.

kryepeshkopi anastas janullatos

Sondazh

Poll

MË SHUMË