Politike

"Kjo masë sigurie do të më shtojë votat!" Berisha: E kam fituar 100 përqind kauzën time për mbrojtjen e Kushtetutës

Berisha tha se ai e ka fituar 100 përqind kauzën e tij për mbrojtjen e Kushtetutës. Ai shtoi se kjo masë sigurie do t'i shtojë më shumë votat.

6 Janar 2025, 10:36 Nga M.B
"Kjo masë sigurie do të më shtojë votat!" Berisha:
Sali Berisha

TIRANA- Kreu i Partisë Demokratike Sali Berisha tha sot para SPAK se vendosi të zbatojë vendimin e Apelit të GJKKO-së sepse ka një proces parlamentar të mazhorancës kundër tij, e cila, siç thotë ai, autorizoi drejtësinë. Berisha tha se ai e ka fituar 100 përqind kauzën e tij për mbrojtjen e Kushtetutës. Ai shtoi se kjo masë sigurie do t'i shtojë më shumë votat.

Pjesë nga fjala e Berishës:

Vendosa të zbatoj vendimin sepse ka një proces parlamentar të pseudo-mazhorancës kundër meje, e cila autorizoi drejtësinë, unë nuk mund të them se nuk ekziston ajo, pavarësisht se ishte antikushtetues, por ishte një proces parlamentar. Dhe unë, në të gjithë kërkesën time, nuk kërkova asgjë tjetër vetëm të zbatohet Kushtetuta. Ata nuk zbatuan Kushtetutën, por parlamenti votoi. Përderisa votoi parlamenti...

Unë e kam fituar 100 përqind kauzën time për mbrojtjen e Kushtetutës. Unë mbrojtja Kushtetutën dhe kushtetutshmërinë sepse unë jam personi që në vitin 2012 kam kërkuar abrogimin e nenit 73, pika 2 të Kushtetutës. E kam çuar në parlament. Por përderisa është në fuqi, çdo akt në ndeshje të tij është puç kushtetues. Kjo masë sigurie do më shtojë më shumë votat sepse u faktua kjo. Këtë qëndrim mbajtën Sorosianët ndaj Donald Trump, po kombi amerikan dha verdiktin e vet.

sali berisha

Sondazh

Poll

MË SHUMË