Sport

Oferta e Paris Saint-Germain për ‘Faraonin’ Mohamed Salah trondit Liverpool-in…

Klubi parizien ofron pagë më të lartë dhe një kontratë më të gjatë se sa anglezët, lëkundet egjiptiani…

2 Janar 2025, 16:48 Nga DOSJA

Oferta e Paris Saint-Germain për ‘Faraonin’ Mohamed Salah

FRANCE - PSG ka një dëshirë të madhe në këtë merkato dimri! Klubi francez dëshiron që të sjellë në “Parc de Princes” sulmuesin Mohamed Salah-un, që luan për Liverpool.

Egjiptianit i përfundon kontrata në verën e ardhshme dhe ai ka të drejtë që të negociojë me një tjetër klub përveç Liverpoolit, nga 1 janari. PSG kërkon që të përfitojë nga situata dhe të mos ta lërë që t’i ikë nga duart sulmuesi 32-vjeçar.

Dhe oferta që drejtuesit e klubit francez i kanë bërë Mo Salah, ka tronditur edhe Liverpoolin, që nga ana e tij po punon që të vazhdojë bashkëpunimin me një nga lojtarët që në klub ka bërë historinë.

PSG i ka ofruar Mohamed Salah-ut një kontratë trevjeçare me një pagë prej 500.000 eurosh. Ndërsa oferta e Reds është 400.000 euro në javë dhe rinovim për dy sezone. Paga më e lartë, dhe po ashtu edhe kontrata me kohë më të gjatë kanë bërë që egjiptiani të lëkundet.

Përveç francezëve, shërbimet e sulmuesit egjiptian i kërkojnë edhe në Arabinë Saudite. Për Salah-un, nëse zgjedh që të trannsfrohet në Ligën Profesionsite Saudite, përfitimi financiar do të jetë i madh.

Por sulmuesin, oferta nga Parisi e josh më shumë, pasi ai do të ketë mundësinë që të luftojë në Champions League, të provojë një eksperiencë të re në Ligue 1, e të vazhdojë të luftojë për tituj, me një klub të suksesshëm.

B.T (Dosja.al)

Sondazh

Poll

Sport 2 Janar 2025, 13:00

Dortmundi mban zi për 'Teddy' de Beer

GJERMANI - Borussia Dortmund vajton humbjen e një prej figurave të saj kryesore të dekadave të fundit: Wolfgang 'Teddy' de ...

MË SHUMË