Aktualitet

U arratisen nga qendra e pritjes në Durrës/ 11 emigrantët goditën efektivët e policisë kur u larguan, disa të lënduar, përfundojnë në spital

Dosja.al mëson nga burime ekskluzive se emigrantët kur janë larguar janë përplasur me policinë. Më tej bëhet me dije se emigrantët kanë goditur efektivët e policisë.

31 Dhjetor 2024, 14:34 Nga N.F
U arratisen nga qendra e pritjes në Durrës/ 11 emigrantët
Foto

DURRËS- 11 emigrantë të huaj janë arratisur dje nga qendra e pritjes në Karreç të Durrësit. Mësohet se personat e arratisur janë emigrantë te huaj te kapur ilegalisht në vendin tonë. Dosja.al mëson nga burime ekskluzive se emigrantët kur janë larguar janë përplasur me policinë. Më tej bëhet me dije se emigrantët kanë goditur efektivët e policisë.

Nga kjo ngjarje ka patur policë të lënduar të cilët janë shtruar në spital. Ende nuk dihet një numër i saktë se sa policë kanë mbetur të plagosur. Emigrantët janë arratisur mbrëmjen e djeshme nga ‘Qendra e Mbyllur për të Huajt’. Ndërkohë që policia e Durrësit dhe autoritetet në Tiranë janë vënë në alarm, pas arratisjes.

Ende nuk dihet mënyra e arratisjes, apo nëse kanë patur ndihmë emigrantët për tu larguar nga qendra, e cila është nën kontrollin e Policise së Shtetit. Por kjo vë në pikëpyetje sigurinë e kësaj qendre, që duhet të funksionoj për të mbrojtur qytetarët shqiptarë si dhe vetë emigrantët.

emigrant durres

Sondazh

Poll

MË SHUMË