Politike

“Gratë janë fuqia e PL”/ Blushi: Qeveria promovon përjashtimin social të vajzave

Blushi tha se ka objektiv fuqizimin e familjes, ndërsa qeveria shkatërrimin e familjes shqiptare.

29 Dhjetor 2024, 18:03 Nga E. D

“Gratë janë fuqia e PL”/ Blushi: Qeveria promovon

TIRANË- Sekretari i Përgjithshëm i Partisë së Lirisë, Tedi Blushi ka zhvilluar ditën e sotme një takim me strukturat drejtuese të Lëvizjes së Gruas për Integrim. Blushi gjatë fjalës tij u shpreh se gratë janë të diskriminuara në tregun e punës dhe se qeveria i përdor gratë për show dhe asgjë më shumë. Gjithashtu Blushi tha se ka objektiv fuqizimin e familjes, ndërsa qeveria shkatërrimin e familjes shqiptare. Sipas tij Kryeministri Edi Rama i ka kthyer gratë në figura të korruptuara.

"Gratë janë të diskriminuara në tregun e punës. Edhe pse gratë janë më shumë në numër në universitetet tona, ato kanë rroga më të ulëta. Qeveria i përdor gratë për shou. Ata nuk kanë guxim që të ngrenë zërin dhe nuk bëhen dot avokate të vajzave e grave në mbarë Shqipërinë. Për fat të keq, Rama ka kthyer gratë në figura të korruptuara. Këtu kemi Ballukun, Manastirliun, Xhaçka, interesat e së cilës prevaluan mbi interesat e vendit. Partia e Lirisë ka prioritet familjen. Ata kanë si program shkatërrimin e familjes dhe përjashtimin social të grave dhe vajzave. Ndërsa, ne kemi program fuqizimin e grave dhe vajzave. Ne kemi modele suksese gra si Silva Cako, Erisa Xhiuxho, kemi Brunilda Haxhiun, kemi Kejdi Mehmetajn, kemi gra e vajza anëtarë të Kryesisë, kemi Elda Ballabanin, kemi ekonomisten Mirvete Asqeriun, kemi kryetaren e Kuçovës, pa harruar Fatjona Selimajn në Fushë Arrëz. Fuqia e Partisë së Lirisë janë gratë" tha Blushi. 

tedi blushi

Sondazh

Poll

MË SHUMË