Sport

Skocezi Souness vë në dyshim lidershipin e Bruno Fernandes te Manchester United: "Çfarë shembulli jep ai për më të rinjtë?"

Ish-trajneri ngre mundësinë që mesfushori portugez të bëhet problem për Ruben Amorimin

28 Dhjetor 2024, 13:36 Nga DOSJA

Skocezi Souness vë në dyshim lidershipin e Bruno Fernandes te

ANGLI - Ish-trajneri skocez Graeme Souness kritikoi, në një artikull të shkruar nga ai në 'Daily Mail', qëndrimin e Bruno Fernandes në gjysmën e parë të sezonit dhe ngriti mundësinë, që portugezi të bëhet problem për Manchester Unitedin e Ruben Amorimit.

"Amorim ka shumë vendime për të marrë tani e tutje, dhe një nga më të mëdhatë lidhet me të ardhmen e Bruno Fernandes te Manchester United. Ai është lehtësisht lojtari më i talentuar i klubit.

Por ai është në të njëjtin nivel si çdokush tjetër në Premier League, kur bëhet fjalë për pasimin e fundit, por i mungon shumë edhe pjesa tjetër, që nga qëndrimi i tij kur loja nuk shkon mirë, duke mbajtur vazhdimisht krahët në ajër, tek ngritja e shpatullave ndaj shokëve të skuadrës",- nis duke analizuar 71-vjeçarin skocez, i cili ka drejtuar edhe Benficën midis 1997 dhe 1999.

"Çfarë shembulli u jep ai të rinjve si Kobbie Mainoo, Amad Diallo dhe Alejandro Garnacho, të cilët tani po vijnë në futboll? Ata duan që kapiteni, lideri, të jetë shembull për të gjithë në dhomën e zhveshjes. Kjo është arsyeja pse ata zgjidhen si kapitenë.

Bruno Fernandes ka një talent të pamohueshëm dhe duhet të mendojë se është i aftë të luajë në skuadrat më të mira, por ai tregon një negativitet që mund të jetë i dëmshëm për ata që e rrethojnë. Mjafton të përmendet përjashtimi i tij kundër Wolverhamptonit, nuk besoj se është një lojtar keqdashës, por këto veprime janë rezultat i zhgënjimit”.

Kujtojmë që Bruno Fernandes ka qenë, si në vitet e kaluara, një nga lojtarët më të përdorur në sezonin e Manchester United. Deri më tani, mesfushori portugez ka luajtur 27 ndeshje, në të cilat ka kontribuar me gjashtë gola dhe 10 asistime.

B.T (Dosja.al)

Sondazh

Poll

MË SHUMË