Politike

"Shqipëria dhe Kosova nuk jam vetëm dy shtete të pavarura por dy pjesë të pandara"/ Osmani: Lidhja jonë e rrënjosur thellë

Gjatë fjalës së saj në mbledhjen e përbashkët të Kuvendeve, Osmani deklaroi se takimi i sotëm në Prishtinë pasqyron traditën e përbashkët mes dy vendeve. 

20 Dhjetor 2024, 11:49 Nga I.A
"Shqipëria dhe Kosova nuk jam vetëm dy shtete të pavarura
Vjosa Osmani

KOSOVË- Presidentja e Kosovës Vjosa Osmani ka deklaruar se lidhja mes Shqipërisë dhe Kosovës është e rrënjosur thellë. Gjatë fjalës së saj në mbledhjen e përbashkët të Kuvendeve, Osmani deklaroi se takimi i sotëm në Prishtinë pasqyron traditën e përbashkët mes dy vendeve. 

Osmani deklaroi se të dyja vendet duhet të ndërtojnë bashkëpunim më të madh dhe koordinim më të shpeshtë. Presidentja shtoi se parlamentet kanë një rol vendimtar në avancimin e raporteve dypalëshe.

"Nder tju drejtohem në këtë sesion të përbashkët të parlamenteve, takim që pasqyron trashëgiminë e përbashkët por edhe vendoshmërinë e palëkundur për një të ardhme të denjë, të mbështetur nga vizioni dhe synimet e popullit tonë. Kjo seancë e përbashkët duhet të shërbejë si thirrje për veprim, kujtesë se qëllimi i përbashkët kërkon ambicie më të mëdha. Po jetojmë në një kohë të trazuar që kërkon bashkëpunim.

Një Shqipëri më e fortë, do të thotë një Kosovë më e fortë. Një Kosovë më e suksesshme e ngrit edhe më lart Shqipërinë. Liderëve institucionet dhe gjithsecilit qytetar secili prej nesh duhet të luajë rolin e në avancimin e roleve të shteteve. Lidhja e thellë ndërmjet Kosovës dhe Shqipëri është e rrënjosur në histori dhe vizion të përbashkët. Kjo lidhje është themel i pathyeshëm mbi të cilin duhet të ndërtojmë bashkëpunim më të madh dhe koordinim më të shpeshtë. Shqipëria dhe Kosova janë pjesë e pandashme të një kombi të madh," tha Osmani.

vjosa osmani

Sondazh

Poll