Bota

VIDEO/ Përplasje të ashpra në Parlamentin e Malit të Zi, hidhet tymuese në sallë

kryeparlamentari Andria Mandiç në seancë plenare deklaroi se duhet të shkarkohet njëra nga gjyqtaret e Gjykatës Kushtetuese, Dragana Gjuranoviç, të cilën opozita e priti me thirrje “tradhti, tradhti”.

17 Dhjetor 2024, 21:55 Nga E. D
VIDEO/ Përplasje të ashpra në Parlamentin e Malit të Zi,
pamje nga vendngjarja

MAL I ZI- Seanca e Komisionit Kushtetues të Parlamentit të Malit të Zi, është ndërprerë ditën e sotme për disa minuta, pasi në sallë është hedhur tymuese. Siç raportohet një debat i ashpër ka ndodhur mes pushtetit dhe opozitës, nëse tre gjyqtarë të Gjykatës Kushtetuese të Malit të Zi i kanë plotësuar kushtet për pension dhe nëse duhet shpallur thirrje publike për zgjedhjen e të rinjve. 

Gjithashtu pas incidentit me tymuesen, Komisioni ka vazhduar punën dhe vendosi të publikojë një shpallje për zgjedhjen e dy gjyqtarëve të Gjykatës Kushtetuese të zgjedhur nga Kuvendi, dhe të bisedojë me presidentin e Malit të Zi, Jakov Milatoviç, në mënyrë që ai të mund të të publikojë një shpallje për zgjedhjen e dy gjyqtarëve të tjerë të gjykatës për të cilën është përgjegjës.

Ndërsa kryeparlamentari Andria Mandiç në seancë plenare deklaroi se duhet të shkarkohet njëra nga gjyqtaret e Gjykatës Kushtetuese, Dragana Gjuranoviç, të cilën opozita e priti me thirrje “tradhti, tradhti”. Pas kësaj, presidenti i Partisë Demokratike të Socialistëve (DPS) në opozitë, Daniel Zhivkoviç njoftoi se në Parlamentin malazez ka ndodhur një grusht shtet kushtetues.

“Ky grusht shtet synon të formojë një Gjykatë Kushtetuese që do të punojë sipas urdhrave të shumicës. Përgjegjësia për atë që ndodhi dhe çfarë do të ndodhë do të bartet nga kryeministri Milojko Spajiq dhe kryetari i Kuvendit, Andrija Mandiq. tha Zhivkoviç. 

parlamenti i malit te zi

Sondazh

Poll