Sport

“Ai nuk është babai im”, Dembélé flet për marrëdhënien e tij me Luis Enrique...

I kthyer si titullar kundër Lyonit këtë të dielë, Ousmane Dembélé foli në zonën mikse, pas fitores së ekipit të tij (3-1), për marrëdhëniet që ka me Luis Enrique, trajneri i tij në PSG.

16 Dhjetor 2024, 08:30 Nga DOSJA

“Ai nuk është babai im”, Dembélé flet

FRANCE - Thuhet gjithmonë me një buzëqeshje, sepse është Ousmane Dembélé, por çështja ishte mjaft e qartë.

Pas fitores së PSG kundër OL (3-1), të dielën në Parc des Princes, në të cilën ai mori pjesë aktive duke shënuar edhe një gol, kampioni i botës 2018 iu rikthye marrëdhënies me Luis Enrique, trajnerin e tij që prej mbërritjes së tij në Paris një vit e gjysmë më parë.

“Siç tha dhe trajneri në një konferencë për shtyp, ne nuk jemi vëllezër, ai nuk është babai im,”- u shpreh kampioni i botës 2018 në zonën e përzier, kur u pyet se çfarë po ndodhte mes dy burrave. Ne nuk jemi “bro” (shkurt për brother në anglisht).

Është një marrëdhënie trajner-lojtar. Ne përpiqemi të bëjmë gjithçka që Paris Saint-Germain të rritet, të fitojë tituj, të luajë mirë dhe të kënaqë të gjithë”.

I pa thirrur për ndeshjen kundër OL, Presnel Kimpembe erdhi për të marrë pjesë në fjalimin e shokut të tij të skuadrës në dalje të Parc des Princes. Dhe Dembélé përfitoi për të mbështetur mbrojtësin ndërkombëtar. “Presko është mirë. Shpresojmë që ai të luajë kundër Monacos ose ndeshjen pas (qesh)”.

B.T (Dosja.al)