Sport

VIDEO / Manchesteri United janë “mbretërit” e qytetit!

Me këtë humbje City nuk përfiton nga ndalesa e Liverpoolit dhe Arsenalit, ndërsa për “Djajtë e Kuq” është një fitore e madhe shpresë dhe morali për pjesën e mbetur të sezonit.

15 Dhjetor 2024, 21:59 Nga DOSJA

VIDEO / Manchesteri United janë “mbretërit” e qytetit!

ANGLI - Përmbysje e çmendur e rezultatit nga Manchester United në Etihad, në derbin me Manchester City-n. Një gol i shënuar nga Gvardiol në pjesën e parë e afroi shumë skuadrën e Pep Guardiolës me fitoren, por në mënyrë të pabesueshme “qytetarët” pësuan dy gola brenda dy minutash lojë në fundin e takimit nga këmbët e Bruno Fernandesit dhe Diallo.

Një sukses monumental edhe për trajnerin portugez Amorim, që e kishte mposhtu Guardiolën pak javë më parë në Champions kur ishte në krye të Sportingut të Lisbonës. Festë e Citizens në Etihad në minutën e 37-të: në zhvillimet e një goditjeje këndi, kroati Gvardiol arrin të kërcejë mbi mbrojtësit kundërshtarë, duke i dhënë trajektoren e duhur topitm me Onanan që mbetet i palëvizur.

Tension në fushë vetëm pak çaste me vonë, pas një ndërhyrje të gabuar të Kyle Walker ndaj Hojlund, me këtë të fundit që reagon me zemërim ndaj mbrojtësin të City-t. Të dy ndëshkohen me karton të verdhë.

Kundërpërgjigjja e Man. United vjen në fundit me Bruno Fernandes që barazon shifrat nga pika e bardhë dhe sapo rinis loja, Diallo shënon të dytin.

Me këtë humbje City nuk përfiton nga ndalesa e Liverpoolit dhe Arsenalit, ndërsa për “Djajtë e Kuq” është një fitore e madhe shpresë dhe morali për pjesën e mbetur të sezonit.

B.T (Dosja.al)