Aktualitet

Nënshkruhet Marrëveshja e Bashkëpunimit me BKH-në dhe Qendrën e Evropës Juglindore për Zbatimin e Ligjit

Ndërkohë që Serkant Akin u shpreh me këtë rast se SELEC është i emocionuar që ka një partner të ri dhe pret nga ky bashkëpunim që të jap rezultate pozitive. 

13 Dhjetor 2024, 17:40 Nga I.A

Nënshkruhet Marrëveshja e Bashkëpunimit me BKH-në dhe

BUKURESHT- Byroja Kombëtare e Hetimit ka nënshkruar një marrëveshje me Qendrën e Evropës Juglindore për Zbatimin e Ligjit (SELEC). Me anë të një njoftimi bëhet me dije se marrëveshja u nënshkrua nga Drejtoresha e BKH-së Aida Veizaj dhe nga drejtori i SELEC, Oğuz Serkant Akin. Ndërkohë që Serkant Akin u shpreh me këtë rast se SELEC është i emocionuar që ka një partner të ri dhe pret nga ky bashkëpunim që të jap rezultate pozitive. 

Njoftimi i Plotë:

Në funksion të bashkërendimit të përpjekjeve për rritjen e bashkëpunimit më të ngushtë ndërkombëtar në zbatim të ligjit, u nënshkrua sot, më 12 dhjetor 2024, një Marrëveshje Bashkëpunimi me Byronë Kombëtare të Hetimit (BKH), një strukturë e posaçme e policisë gjyqësore të Republikës së Shqipërisë.

Në emër të BKH-së, marrëveshja u nënshkrua nga Drejtoresha e saj, Aida Veizaj (Hajnaj), dhe në emër të SELEC, nga Drejtori i Përgjithshëm Dr. Oğuz Serkant Akin. Ceremonia u zhvillua në selinë e SELEC në Bukuresht në prani të një delegacioni të nivelit të lartë të kryesuar nga kreu i Drejtorisë Doganore Shqiptare, z. Genti Gazheli.

Z. Akin u shpreh me këtë rast se “SELEC është i emocionuar që ka një partner të ri dhe ka besim të plotë se ky bashkëpunim do të japë rezultate pozitive për të dyja palët”. Me nënshkrimin e kësaj Marrëveshje Bashkëpunimi, BKH bëhet Partneri i 8-të Operacional i SELEC, pas miratimit të organit më të lartë vendimmarrës të SELEC, Këshillit.

Misioni i BKH-së është sigurimi i zbatimit të ligjit në kryerjen e hetimeve cilësore në fushën e veprave penale kundër korrupsionit dhe krimit të organizuar, në bashkëpunim të ngushtë dhe nën drejtimin e prokurorëve të Prokurorisë Speciale, me qëllim parandalimin, zbulimin dhe luftimin e korrupsionit dhe krimi i organizuar në Republikën e Shqipërisë.

aida veizaj selec oğuz serkant akin genti gazheli

Sondazh

Poll

MË SHUMË