Aktualitet

Sherri me thika në gjimanzin në Fier/ Banorët: Nuk është hera e parë, nxënësit kanë rrahur edhe mësuesit

Një tjetër tregoi se kjo nuk është hera e parë që në zonë ndodhin konflikte të tilla. Ai tregoi se ka pasur raste edhe më ekstreme kur grupe nxënësish kanë dhunuar mësues të shkollës.

13 Dhjetor 2024, 12:42 Nga M.B
Sherri me thika në gjimanzin në Fier/ Banorët: Nuk
Banori

FIERI- Disa prej banorëve në zonën e Cakranit të Fierit kanë reaguar për mediat pas sherrit të mëngjesit të sotëm në gjimnazin e zonës, ku një 17-vjeçar plagosi me thikë një bashkëmoshatar. Një banor tregoi se ngjarja është shumë shqetësuese dhe se situata është tepër e rrezikshme. Një tjetër tregoi se kjo nuk është hera e parë që në zonë ndodhin konflikte të tilla. Ai tregoi se ka pasur raste edhe më ekstreme kur grupe nxënësish kanë dhunuar mësues të shkollës.

“Kjo na shqetëson shumë. Unë dëgjova sikur kishte ardhur policia dhe kishte thirrur prindërit dhe s’ka ndodhur gjë. Kjo e vë situatën shumë në rrezik. Këtu nuk ka pasur raste të tilla më parë”, tha një banor.

“Nuk është hera e parë që ndodhin të tilla raste, por nuk janë bërë publike. Kanë rrahur edhe mësuesit, janë bërë bashkë 3 ose 4 çuna dhe kanë rrahur mësuesin. Unë e kam shtëpinë këtu afër shkollës dhe informohen për ato që ndodhin”, tha një banor tjetër.

fieri

Sondazh

Poll

MË SHUMË