Politike

“Çdo orë doja të isha i lirë!” Berisha flet për ditët e tij nën masën e sigurisë: Jam njeri i leximit, shkruaj ose bëj sforcimin fizik

Ai tregoi se si e kalonte ditën në izolim shtëpie. Po ashtu Berisha tha se ditët e tij kalonin duke lexuar dhe duke shkruar.

5 Dhjetor 2024, 21:09 Nga M.B
“Çdo orë doja të isha i lirë!” Berisha flet
Sali Berisha

TIRANA- Kreu i Partisë Demokratike, Sali Berisha, foli sot për 333 ditët  që qëndroi në izolim shtëpie për shkak të masës së arrestit që rëndonte ndaj tij për dosjen “Partizani”. I ftuar në emisionin “Open” në News 24 Berisha tha se çdo orë ai mendonte për lirinë, ndërsa tha se arrestimi i tij ishte akt i shëmtuar politik. Ai tregoi se si e kalonte ditën në izolim shtëpie. Po ashtu Berisha tha se ditët e tij kalonin duke lexuar dhe duke shkruar.

"Çdo orë unë doja të isha i lirë, sepse ishte akt politik më i shëmtuarit. Procesi ndaj Berishës ishte i shëmtuar. Në politikë je i detyruar t’i llogarisësh të gjitha, përndryshe më mirë ndiq një rrugë tjetër. Njeriu kur ka një vendim i qendron atij vendimi. Nuk më shkonte mendja se në Shqipëri do vendosej një narkodiktaturë, e cila do dokumentonte me burgosjen dhe ndjekjen politike të 3 liderëve të partive kryesore opozitare. Diktatura e bandës nuk njeh asnjë rregull, asnjë ligj.

Unë jam njeri i leximit, unë lexoj shkruaj, çdo orë që kam të lirë, unë lexoj e shkruaj, ose bëj sforcimin fizik. Jo nuk kam shkruajtur për këto 333 ditë, por jam marrë me fjalimet…kam shkruajtur shumë gjëra të lidhura e të, pa lidhura me këto.

Format kryesore të aktivitetit fizik kam ecje. Nuk më mungoi noti, për shkak të diellit. Unë notoja dhe 3 orë nuk kisha asnjë problem", tha Berisha ndër të tjera.

sali berisha

Sondazh

Poll

MË SHUMË