Sport

Lojtari i Botafogos zhvatet para finales së Libertadores: kushëriri i ish-gruas e kërcënoi se do t’i publikonte video intime

Familjari i ish-partneres të Luiz Henrique ka kërkuar 20 mijë realë (rreth 3.100 euro) për të mos publikuar "intimitetin" e lojtarit në rrjetet sociale.

3 Dhjetor 2024, 15:56 Nga DOSJA
Lojtari i Botafogos zhvatet para finales së Libertadores: kushëriri i

BRAZIL - Luiz Henrique ishte një nga heronjtë e Botafogos, i cili të shtunën mbrëma fitoi Libertadoresin e parë në historinë e klubit, duke mposhtur Atlético Mineiro në finalen e kompeticionit të Amerikës së Jugut me rezultatin 3-1. Megjithatë, ditët para finales ishin tmerr absolut për krahun e djathtë të Fogão.

Sipas ‘GloboEsporte’, e cila citon një burim të policisë braziliane, sulmuesi brazilian 23-vjeçar është zhvatur nga kushëriri i ish-bashkëshortes së tij në prag të duelit shumë të rëndësishëm të Copa Libertadores, i cili i kërkonte 20 mijë realë brazilianë (rreth 3.100 euro në konvertimin aktual) për të mos publikuar foto dhe video intime të sportistit në rrjetet sociale.

Kjo tentativë zhvatjeje, e dokumentuar të paktën që prej korrikut, normalisht ka ndodhur para ndeshjeve të rëndësishme të Botafogos, me qëllim destabilizimin e Luiz Henrique në fushë, siç tregon një burim policor për ‘GloboEsporte’.

“Tentativat për zhvatje kanë ndodhur para ndeshjeve vendimtare, me lojtarin në një moment të rëndësishëm psikologjik. Pra, ka pasur një interes të qartë për të destabilizuar sportistin”, theksoi delegati Carlos Eduardo Range.

I njëjti burim tregon se Raissa Cândida da Rocha (kushërira e ish-gruas së Luiz Henrique, Ana Carolina Andrade, 26 vjeç) u ndalua kur ajo u përpoq të zhvaste brazilianin, i cili raportoi të gjithë këtë rrëmujë në klub.

Në fakt, ishte Botafogo SAF, e drejtuar nga biznesmeni John Textor, që vendosi të bënte një ankesë pranë autoriteteve. Megjithatë, Raissa Rocha tashmë ka pranuar se është autori i krimit.

Vetë lojtari tashmë ka reaguar zyrtarisht për gjithë këtë polemikë. "Mbështetja (që kam marrë) më ndihmon shumë për t'u marrë me këto gjëra që ndodhin jashtë fushës, është normale. Duhet të mbash kokën lart dhe të mendosh për diçka, sepse nëse mendon për gjërat jashtë nuk do të të jesh në gjendje të prodhojë në fushë”, tha ai gjithashtu për ‘GloboEsporte’.

B.T (Dosja.al)

Sondazh

Poll

MË SHUMË