Aktualitet

Vrasja e Klaudio Prendit në Tiranë, hetimet i kalojnë për kompetencë SPAK-ut

Bëhet me dije se do të jetë SPAK që do të hetojë ekzekutimin e të riut i cili u vra me armë me silenciator në afërsi të zonës së Xhamllikut në Tiranë.

28 Nëntor 2024, 12:04 Nga M.B
Vrasja e Klaudio Prendit në Tiranë, hetimet i kalojnë për
Foto nga vendi i ngjarjes

TIRANA- Vrasja e Klaudio Prendit i ka kaluar për kompetencë Prokurorisë së Posaçme. Bëhet me dije se do të jetë SPAK që do të hetojë ekzekutimin e të riut i cili u vra me armë me silenciator në afërsi të zonës së Xhamllikut në Tiranë pasi ka dyshime se autorët i përkasin një grupi të strukturuar kriminal.

Pista kryesore ku janë shtrirë hetimet e Policisë së Shtetit për vrasjen e Klaudio Prendit është një konflikt që ai ka pasur për një borxh. Ky konflikt ka ndodhur në Tiranë rreth një muaj më parë. Grupi hetimor dyshon se porositësit e vrasjes jetojnë jashtë vendit, nga ku është organizuar dhe porositur vrasja.

ÇFARË DIHET DERI MË TANI?

Klaudio Prendi u qëllua për vdekje me armë zjarri me silenciator, teksa doli nga një lokal dhe po hipte në makinën e tij. Dyshohet se i riu kishte një borxh, ndërsa thuhet se ditët e fundit Prendi kishte pasur përplasje me disa persona për këtë arsye. Babai i viktimës ish-gjyqtari Fran Prendi është shprehur se nuk ka asnjë informacion apo dyshim se përse ka ndodhur vrasja, ndërsa ka bërë thirrje autoriteteve të zbardhin sa më shpejt ngjarjen.

klaudio prendi

Sondazh

Poll