Sport

Ancelotti pas humbjes në Liverpool: "Për Mbappen, është një moment i vështirë"...

Carlo Ancelotti, trajneri i Real Madridit, e kuptoi këtë të mërkurë në mbrëmje se Kylian Mbappé aktualisht po kalonte një periudhë të komplikuar. Sulmuesi francez shpërdoroi një penallti në ndeshjen Liverpool - Real Madrid (0-2).

28 Nëntor 2024, 11:20 Nga DOSJA

Ancelotti pas humbjes në Liverpool: "Për Mbappen, është

SPANJE - Trajneri i Real Madridit, Carlo Ancelotti, pranoi se Kylian Mbappé, autori i një penalltie të humbur të mërkurën kundër Liverpoolit (disfata 2-0), aktualisht po kalonte një periudhë të komplikuar. 

“Kur je sulmues, dëshiron të shënosh dhe të kesh besim,- nënvizoi tekniku italian. - Mendoj se për Mbappen është një moment i vështirë. Ne do ta mbështesim atë dhe do t'i dhurojmë dashuri,”- u shpreh ai.

Mbappé ka shënuar vetëm një gol në pesë ndeshje të Ligës së Kampionëve që kur iu bashkua Real Madridit verën e kaluar. Mbrëmjen e kësaj të mërkure, penalltia e tij do ta kishte lejuar Realin të barazonte në 1-1. 

“Mund të jetë një mungesë besimi, ndoshta,-  vazhdoi Ancelotti. - Ndonjëherë ka raste kur gjërat nuk shkojnë mirë. Ideja është të bëni gjëra të thjeshta, jo të ndërlikoni jetën tuaj”.

I sulmuar me pyetje për sulmuesin francez, ish-trajneri i PSG-së beson se “nuk duhet ta fajësojmë atë për penalltitë e humbura, pasi kjo ndodh shpesh. Por Ancelotti ishte edhe i butë, duke e mbrojtur francezin: “Duhet të jeni të durueshëm me të, ai është një lojtar i jashtëzakonshëm”.

Kylian Mbappé u mbrojt gjithashtu edhe nga shoku i tij i skuadrës, Jude Bellingham:  “Ishte padyshim një moment i rëndësishëm në ndeshje, por mund të ndodhë,- tha anglezi.

Presioni nën të cilin është për shkak të talentit të tij është i madh. Nuk është për shkak të penalltisë që humbëm, kolektivisht nuk ishim mjaftueshëm të mirë. Kylian mund ta mbajë kokën lart”.

B.T (Dosja.al)

Sondazh

Poll

MË SHUMË