Politike

"Rama thirri mendjes", Berisha: Nesër është dita e revoltës popullore! Dita ku shqiptarët marrin në duart e tyre kryeqytetin e vendit

Berisha gjatë fjalës së tij u shpreh se nesër është dita e revoltës popullore dhe dita e zemërimit popullor mbarë shqiptar.

25 Nëntor 2024, 20:00 Nga N.F
"Rama thirri mendjes", Berisha: Nesër është dita e
Berisha

TIRANË- Kreu i Partisë Demokratike, Sali Berisha ka mbajtur fjalën e tij para mbështetësve të mbledhur para banesës së tij. Berisha gjatë fjalës së tij u shpreh se nesër është dita e revoltës popullore dhe dita e zemërimit popullor mbarë shqiptar.

Më tej ai u shpreh se është dita në të cilën shqiptarët marrin në duart e tyre kryeqytetin e vendit.  Berisha shtoi se protesta nesër është një akt madhor, është mosbindje civile me të cilën ata i thonë narkoshtetit se qeveria teknike është zgjidhja e vetme me zgjedhje të lira.

 

Fjala e Berishës:

Të dashur miq! Nesër është dita e revoltës popullore, dita e zemërimit popullor mbarë shqiptar, është dita në të cilën shqiptarët marrin në duart e tyre kryeqytetin e vendit, kryeqytetin e tyre, e nxjerrin nga kthetrat e bandave, kriminelëve, banditëve qeveritar. Është një ditë pra, e një rëndësie të jashtëzakonshme. Protesta nesër është një akt madhor, është mosbindje civile me të cilën ne i themi narkoshtetit se qeveria teknike është zgjidhja e vetme me zgjedhje të lira, përndryshe do shohësh zi e më keq.


Edi Rama thirri mendjes. Je shndërruar në të keqen më të madhe të këtij kombi, mosbindja civile është më e pakta që mund të ndërmerret ndaj teje. Të rinjve shqiptarë u ke nxirë të ardhmen, i ke përzënë nga vendi i tyre, i ke shpërndarë në rrugët e botës, se në asnjë nuk kanë shans rast të ndërtojnë ëndërrat në vendin ku lindën. Nuk kanë shans të ndërtojnë familje në vendin ku lindën.
Në asnjë rast nuk kanë shans të begatojnë, të bëjnë një jetë të denjë në Shqipëri, ndaj dhe nesër mbarë rinia shqiptare është në Tiranë me moton; o sot, o kurrë, është radha jonë.

berisha protesta rama

Sondazh

Poll

MË SHUMË