Politike

Berisha: Vrasjen e Martinit duan ta mbulojnë me Tik Tokun, të gjithë shqiptarët t'i bashkohen protestës së thirrur për të

Berisha ka përshëndetur protestën e mbajtur pasditen e sotme para Ministrisë së Arsimit për vrasjen e Martin Canit. 

25 Nëntor 2024, 19:39 Nga r.ll
Berisha: Vrasjen e Martinit duan ta mbulojnë me Tik Tokun, të
sali berisha

TIRANË- Kryetari i Partisë Demokratike, Sali Berisha ka mbajtur fjalimin e tij mbrëmjen e sotme, para qytetarëve të mbledhur poshtë banesës. Berisha ka përshëndetur protestën e mbajtur pasditen e sotme para Ministrisë së Arsimit për vrasjen e Martin Canit. 

Kryedemokrati akuzoi qeverinë se po përpiqet të mbulojë krimin e rëndë me aplikacionet e Tik Tok dhe Snapchat. Ai iu ka bërë thirrje qytetarëve të marrin pjesë në protestën e thirrur për 14-vjeçarin.

"Mirëmbrëma dhe përshëndetjet më miqësore më të përzemërta, ju qëndrestareve dhe qëndrestarëve, pararendës të fitores së opozitës shqiptare. Ju guximtarëve të pamposhtur që mbroni kauzën e drejtë të çdo qytetari. Mirënjohjen e pakufishme ndaj oratorëve të kësaj platforme të fjalës së lirë, që shpërndajnë, përhapin në të katër anët e vendit, të vërtetat që përpiqet me vellon e zezë të censurës, ti fshehë regjimi i Edi Ramës, me fjalën e tyre frymëzojnë shqiptarët. Të dashur miq!

Unë dua ta nis edhe njëherë me një përshëndetje miqësore për ata qindra e qindra qytetarë nxënës, studentë, prindër që protesuan sot para Ministrisë së Arsimit për vrasjen makabre në duart e shkollës, në gjirin e shkollës, të engjëllit, yllit 14-vjeçar të asaj shkolle, të familjes, të Tiranës dhe mbarë Shqipërisë, Martin Cani.

Krimin e shëmtuar ndaj të cilit, propaganda e shpifur qeveritare përpiqet ta mbulojë me Tik Tokun, me Snapchatin, përpiqet të laj duart, paçka se përgjegjësia është direkt e shkollës, e ministrisë e mbi të gjitha e atyre të cilët e kanë shndërruar Shqipërinë në protektorat të krimit. Atyre që qeverisin këtë vend së bashku me krimin, si një sipërmarrje kriminale, në të cilën krimi godet në çdo vend, në çdo zyrë, në çdo shkollë, në rrrugë, në çdo shesh dhe kudo.

Ata kanë thirrur një protestë tjetër të mërkurën. Ftoj mbarë shqiptarët tu bashkohen atyre. Ai që nuk proteston për Martin Canin, nuk proteston as për fëmijën e tij, prandaj është një rast për të treguar veten qytetar, është një rast për të treguar veten nënë, baba, prind, vëlla, motër, për të ju përgjigjur thirrjes së shpirtit të 14-vjeçarit që shkoi në shkollë dhe i morën jetën me çantën e librave në shpinë.", tha Berisha. 

sali berisha proteste per vrasjen e martin canit

Sondazh

Poll

MË SHUMË