Sport

Shkëlqen Shaqiri, tre gola për fitoren 3-1 të Baselit! – VIDEO

Për këtë paraqitje të jashtëzakonshme, 33-vjeçari u shpall lojtari më i mirë i ndeshjes sipas Sofascore duke marrë notën 9.3.

24 Nëntor 2024, 21:16 Nga DOSJA
Shkëlqen Shaqiri, tre gola për fitoren 3-1 të Baselit! –

ZVICER - Baseli mori një fitore komode me rezultat 3-1 në shtëpi ndaj Servettes në kuadër të javës së 15-të në elitën e futbollit zviceran. Lojtari më I mire i takimit ishte ylli shqiptar Xherdan Shaqiri i cili ishte autor i të tre golave të realizuar.

Shaqiri shënoi fillimisht një super gol në pjesën e parë për t’i dhënë epërsinë Baselit 1-0, rezultat me të cilin u mbyllën 45 minutat e para të këtij takimi. Dy golat e radhës, Shaqiri i shënoi në fund të takimit, më saktësisht në minutën e 91-të dhe në minutën e 92-të respektivisht për rezultatin përfundimtar 3-1 në favor të Baselit.

Për këtë paraqitje të jashtëzakonshme, 33-vjeçari u shpall lojtari më i mirë i ndeshjes sipas Sofascore duke marrë notën 9.3. Përveç tre golave të shënuar, Shaqiri gjithashtu pati katër pasime kyçe, dy driblime të kompletuara, shtatë duele të fituara dhe 27 pasime të kompletuara. Me këtë trigolësh, Shaqiri shkon në kuotën e pesë golave të realizuar këtë sezon në kampionat teksa ka shtatë asistime.

B.T (Dosja.al)

Sondazh

Poll

MË SHUMË