Bota

Paris zbardhet nga dëbora/ Pezullohen transportet, kushtet e akullit kanë krijuar rrezik në rrugë! Mbyllet edhe Kulla Eifel

Météo France po zgjat "vigjilencën orange neige-verglas" (paralajmërim portokalli për borë-akulli) për të gjithë rajonin e Parisit, duke bërë thirrje për kujdes shtesë.

22 Nëntor 2024, 16:00 Nga ZH.LL
Paris zbardhet nga dëbora/ Pezullohen transportet, kushtet e akullit
Kulla Eifel

PARIS- Dimri ka filluar zyrtarisht në Francë dhe Parisi është mbuluar nga dëbora. Reshjet e para të dëborës filluan ditën e enjte, ndërsa kryeqyteti regjistroi deri në 4 cm borë. Météo France po zgjat "vigjilencën orange neige-verglas" (paralajmërim portokalli për borë-akulli) për të gjithë rajonin e Parisit, duke bërë thirrje për kujdes shtesë.

Kushtet e akullit, të kombinuara me temperaturat ndërmjet -1°C dhe -5°C, po i bëjnë rrugët veçanërisht të rrezikshme. Shërbimet meteorologjike parashikojnë gjithashtu mundësinë e lokalizimit të mëtejshëm reshjeve në mëngjes, ku mund të shtohen 3 cm borë vende-vende. Drejtuesit e automjeteve këshillohen të tregojnë kujdes ekstrem, veçanërisht për shkak të rrezikut të rrëshqitjes së rrugëve dhe ndalimeve specifike të drejtimit.

Pezullohet transporti shkollor 

Në rajonin e madh të Parisit (Yvelines, Essonne, Val-d'Oise, Seine-et-Marne) është pezulluar transporti shkollor këtë të premte. Megjithatë, sipas prefekturave përkatëse, shkollat ​​do të mbeten të hapura. Prefektura e Essonne saktëson se kjo masë synon të garantojë sigurinë përballë kushteve të akullit dhe reshjeve të mundshme të borës që priten në mëngjes.

Ndërprerje të transportit publik

Të enjten moti i keq ka prekur shumë linja. Tramvaji T13 mbetet jashtë funksionit pas rënies së një peme dhe disa linja autobusësh dhe hekurudhore janë ngadalësuar.

Kulla Eifel e mbyllur

Monumentet ikonike si Kulla Eifel u mbyllën për shkak të kushteve të motit. Edhe pse e rrallë, kjo situatë është një kujtesë e rëndësisë së përshtatjes së shpejtë me ndryshimet e motit në një rajon të pamësuar me episode të tilla me dëborë.

Ditën e djeshme teksa filluan reshjet e para të dëborë, të gjithë nxituar për të shijuar pamjen magjepsëse nga Kulla Eifel. Por faqja zyrtare e monumentit në X, përmes një njoftimi njoftoi me keqardhje mbylljen për shkak të motit.

francë paris debora e pare mbyllet kulla eifel

Sondazh

Poll

MË SHUMË