Aktualitet

I shpallur në kërkim për trafik narkotikësh, arrestohet 27-vjeçari në Fier me qëllim ekstradimin drejt Kosovës

Gjykata Themelore e Pejës, më 30 tetor, i ka caktuar masën e sigurisë “Arrest në burg”.

22 Nëntor 2024, 10:28 Nga r.ll
I shpallur në kërkim për trafik narkotikësh, arrestohet
pamje nga arrestimi

FIER- Një 27-vjeçar është arrestuar në Fier, me qëllim ekstradimin në Kosovë. I riu ishte shpallur në kërkim ndërkombëtar pasi Gjykata Themelore e Pejës, më 30 tetor, i ka caktuar masën e sigurisë “Arrest në burg”, për veprën penale “Prodhimi dhe shitja e narkotikëve”. Interpol Tirana po bashkëpunon me autoritetet kosovare, për ekstradimin e tij.

NJOFTIMI I POLICISË: 

DVP Fier/Finalizohet nga Sektori për Hetimin e Narkotikëve, në bashkëpunim me Komisariatin e Policisë Mallakastër, operacioni i koduar “Fratar”.

Në kuadër të operacionit u vu në pranga me qëllim ekstradimin në Kosovë, shtetasi E. M., 27 vjeç, banues në fshatin Gadurovë, Mallakastër.

Ky shtetas u kap në fshatin Fratar, pas një pune operative nga shërbimet e Policisë, bazuar në informacionet e siguruara nga inteligjenca policore. 27-vjeçari ishte shpallur në kërkim ndërkombëtar pasi Gjykata Themelore e Pejës, më datë 30.10.2024, i ka caktuar masën e sigurisë “Arrest në burg”, për veprën penale “Prodhimi dhe shitja e narkotikëve”.

Interpol Tirana po bashkëpunon me autoritetet kosovare, për ekstradimin e 27-vjeçarit.

policia e fierit

Sondazh

Poll